Hoor

انا حبيت خوي اخوي بنفس الوقت يكون ولد عمي لكن مو ولد عمي لزم وانا اعترفت له وعلطول قام اعترف لي وكتب كلام طويل وانه من زمات يحبني انا بعدها حسيت انه شي غلط وقلتله خلاص لا عاد تكلمني وبلكته و بعدها بفتره رجعت كلمته وحذفته واحسه يحسبني لعابه !

تخطيته ونسيته

مساء الانوار وصباح الريحان والروز والياسمين مو لان الجوو عدل مزاجي لااا
فقط لاني اتخطيت اكبر عقبه بحياتي
وهيا نفسي الامارة بسوء ياجمال الحريه
الان فتحت والتفت لدنيا الجميله وابحث عن الجنه اللي فيها
و الله يطعمنا ويسخر لنا ويسكننا وياكم ووالدينا بجنه الدنيا والاخرة
يااااه
انولدت من جديد
يا انا كنت بعلبه سردين مصديه وأحسبها انها هي هنا الحياة وحارمة نفسي السعادة ومقيدة روحي وانا اساسا حرة

الحب حريه تدوم وتُغذى بجمال المشاركه
اما الحب اللي كله قيود وتملك للروح والعقل
وفشل نفسي تحت مسمى تضحيه
ومن طرف واحد هذي اسمها جحيم
لاتهينوا نفسكم ابدا
محد مستاهل
يا عيشه تسعد وتسر
او انتظار بأمل السعادة
افضل من
ظل راجل ولا ظل حيطه
ابشركم الحيطه ولو مهدودة ظلها ارحم من بعض الرجال اللي فاهمين المرأة انها مجنون ولازم يحبسونه ههههههه
سلام

عبير

مكتئبة جداً .. انا بنت ١٩ سنة طبعاً في نظر مجتمعي هذا سن الزواج وهذا سن المسؤلية واني خلاص كبرت ولازم اتزوج .. طبعاً لكل شخص حياته وحريه اختياره لكن مشكلة الأم والأب يظنون اننا خلقنا عبيد لهم وان نمشي على كلامهم لو على راحتنا وقراراتنا فالحياة واذا قررت اخاف يجازوني بالنبذ ويتهموني بالعصيان والعقوق ! طيب انا انسانه طموحه اريد ادرس اريد اتعلم اريد اتوظف! ماريد رجل يذلني ولا اهل يذلوني ابي اعتمد على نفسي! خاصتاً اني مررت بقصص زواج كثيره فاشله في اسرتي وتعقدت نفسياً ، مشكلتي ان الوالد يريدني اخذ احد اقاربي طبعاً رفضت مو عقوق لكن ماريده ولا اريد اتزوج بهالعمر وطول عمري باره بوالديني واي شي يقولولي اقول حاضر بس هالمره صرت عاقه! طيب هذي حياتي! مش ملكك ايديكم! طبعا هذا غير الااهانات اللي تلقينها من والدي بفصلي عن خواتي عشان ماثر على تفكيرهم صراخه علي وحط جزمته وقالي راح احطها بفمك واخذ تليفوني وهددني بالفصل من الجامعه، انا انفجرت ورديت عليه ماقدرت اسكتت كم سنه صابره على اهانته لامي واهانه كرامتها ويريدني اتزوج من اهله لجل يجي واحد منهم يذلني ويروح عمري مذله وقهر!!مع ذلك ابوي مقهور من ردي عليه ويقول قلبها حجر ماتربت ماحزنت ع ابوها ! مين مفروض يعتذر ويحس هوا ولا انا!! مش عارفه انا غلطانه لو انا مظلومه

تعبت

سلامُ عليكم انا بنت عمري ٢٢ سنه والله والله اني كنت اكثر انسانه متفائله من جميع نواحي الحياه لدرجه كثير ناس يقولون ودنا نصير مثلج لكن سبحان الله فجأه انقلبت حياتي كلها بسبب ٣ بنات ! متخيلين شلون ؟ ٣!! انا انسانه ولله الحمد جميله والكل يشهد ملامحي حلوه عادي جداً مو مره حلاوووووه! لا بس حليوه ، طبعاً ولا عمري بحياتي مروا ناس وقالوا لي انتي مو زينه او شذيه ابددددداً كل اللي يمرون بحياتي يمدحون فيني الحمدلله رب العالمين ، لكن فجأه اجتمعت مع ناس من قرايبي وبس يدقون بالكلام ! انتي مو مثل اختج شوفي شلون بشرتها وشوفي بشرتج شوفي ملامحها وشوفي ملامحج وكنت وأيد مطنننشه الين صارت تتكرر في كل مره أشوفهم وطبعاً هم ناس دايم صريحين ويعطون بالويه لكن خلللللونننييي اشوف نفسي مشوهه ! صرت اجلس عند المرايا واناظر لنفسي اقول وش فيني ؟ ماكوووو شي ! ولما اجتمع معاهم يقولون خشمج طويلللللل مره ملامحج مو زينه وانتي سمراء الين صرت خلاص ما أتحمل وامتليتتتتت طاقه سلبيه بشكل انتوا ما تتخيلونه ، المشكله مو هنيه المشكله اقسم بالله ولا وحده فيهم جميله ولا حتى مليحات ابداً ابداً ! ومع هذا انا ساكته وحبيتهم حتى لو مو حلوين بس فجاه يجون يتكلمون وياي وانا اللي ساكته ! المشكله ما ارد عليهم ويزيدون كل يوم كل يوم كل يوم ، الين خلاص وسوسوا لي وصرت الاحظ ان خشمي مو حلو وأنه صدق كبير ، وانا قبل ما كنت شذيه يعني ! خلوني اركز غصب واطلع اشياء وآتوهم بأشياء وأيد ، وربي الحين بالجامعه ييون عندي ناس ويقولون انتي جد جميله ، وأحيان افتح فوني واحصل كلام يمدحون فيني وانا واثقه اني حلوه بالرغم من خشمي طويل بس طوله عادي طبيعي حلو ! بس خلوني أتحسس خلوني افكر اني مو حلوه خلوني اشك بنفسي وأيد وانا ما كنت من هالنوعية ابدا صرت ادعي وأقول يارب أصير زينه عشان بس يشوفوني ويفكوني من لسانهم وارتاح وصرت اقول انا شلون بتزوج ؟ انا شلون بيناظر فيني ؟ ، وربي انا اخر مره شفتهم يمكن قبل شهرين وأبداً ماشفتهم من بعدها لكن خلوني مليانه طاقه سلبييييييه الين الحين مو قادره مو قادره ابعدها

اذكروني بدعوه

قولوا يارب ان الله يجمعني بالشخص اللي ابيه عاجلاً غير آجلاً
حرفياً ما ودي أتعلق بشخص واربط حياتي فيه لكن ما قدرت افكر الا فيه هو وحده !
اكبر مني ب٦ سنين ويقرب لي ويعرف بحبي
ادعوا ان الله يجعلنننننني في قلبه ويجمع بيننا “بالحلال”
والله ما ابي غير الحلال تكفوننننننن ادعوا لي

هُـ،

احب ولد عمي واعترفت له وتمينا مع بعض ٤ شهور وأحسه مره بدا يميل لي مره وصارت كثير اشياء من هدايا ومن صدف ومن كثير كثير اشياء ما تنّسى ما ادري شلون بس ما اقدر أقول كل التفاصيل غير اننا كنّا مره حلوين مع بعض لكن ابد ما اعترف لي اذا يحبني او لا ” افعاله تقول يحبني ! لكن كلامه ما كان يقول شي عن الحب” بس افعال ايه ، وفجاه تغير اسبوع وما صار يرسل ولا شي وفجاه قال احنا غلطانين انو هذا الشي ما يصلح ومحد مسويه من قبلنا وغلط وكذا وراح

فضفضه

شويه مواقف مرت على وماعرف كيف تحملتها كبرتي 100سنه
وفاجأتني مو كل الأمثال اللي نرددها صحيحه الدنيا مالها قاعدة نمشي عليها لا كلها مفاجأت ومالها امان
شخص اللي بنظري قوي وجبار بكى بحضني وانا كنت أواسية وأوعده اساعده وكلي ضعف كيف انهار وطاح مثل الطفل عندي يلوم نفسه لانه السبب في امر ضر ماكان يقصد وانا كنت أحسبه يقصد عمرة ما اعترف بغلط يالله ياقوي الموقف وكيف اني تحملته
والاغرب اني واجهت كل غلط بصبر وصلحت كل غلط وانا اضعف انسان على وجه الارض
وموقف بعز ضعفي شفت التواضع من المتكبر العنيد وكبر بعيني ماتخيلت ان الشرير بداخله خير
وشفت من الطيبين اللي كنت أعدهم عزوة الجفا والوجه الثاني
دنيا ملخبطه ماتدري مين مع مين الا بالمواقف وبتقوينا كنها كف لما يخذلك توقعك واحساسك الصافي تجاه من انت تحبهم وكف اقوى لما عدوك يحن عليك
وكثير كانوا يقولون عني طيبه وعادي نغلط عليها بتسامحنا
وبلاخر ربي حسيبي ونعم الوكيل ينصرني سبحان ربي عدل ولو بعد حين
يالله ماعرف كيف ارد الجميل لمن هم يستحقون الرد لو اعطيهم من عمري ماكفاني فيهم شكر (( ناس معادنها ذهب ))
جد ماعرف كيف ارد الجميل
الشكر مايوفي حقهم

الحمدلله

محد يقولي جميله الا لما احط مكياج بدون المكياج لقيت التهاويل من التعليقات الي تجي على شكلي وكأني مشهوه
والله تعبت نفسياً لذي الدرجه انا مافيا جمال
وانخطبت قريب وشافتني ام العريس طبعاً طلعت لها بمكياج لانو تعارف مو شوفه
ومدحت في شكلي لولدها
والولد الان ماخذ مقلب اني جميله
وبكره لا جا وطلعت له بطبيعتي بيمسك الباب ويشرد ؟
والله تحطمت ايش اسوي يعني
اسوي عملية تجميل وارتاح ؟
هذي خلقة ربي
ولا اسوي زي البنات الي يحطو مكياج كل يوم
عشان ما اسمع تعليقات ساخره
والله بدون كذب اكثر شي ملفت في وجهي خشمي المبير والسمار هذا الشي الي مو حلو فيا مع الاسف
يعني حتى الاشياء الثانيه ما تشفع لي

الله يستر معرف ايش يصير في الشوفه بعدين اطلع بدون مكياج ؟ وانرفض
ولا بمكياج ؟

يارب حقق لي ما اتمنى

يارب تمم لي الشوفه على خير ويارب يقبل بشكلي وارتاح له نفسياً يارب
ويطلع بالمواصفات الي ابغاها واكثر
يارب يارب سهل ويسر