اضطراب اجتنابي

انا عندي اضطراب اجتنابي واظن كثير بمجتمعنا يعانون منه
اللي حبيت اقولة لما اكون بمجموعة من اقاربي او اصدقائي
دائما يقولون ليه انتي هاديه سولفي وانا طبعا ودي اسولف
لكن احس نفسي مملة جدا وسخيفه ويصير بالي مشغول
بطريقتي اذا سولفت افكر كيف ردة فعلهم واخاف احد يطقطق
علي فأفضل اكون ساكتة طبعا كثير من الاحيان احس اني اجلد
ذاتي دائم اسب نفسي ومالي داعى أبدا، اقرا معلومات كثير
ونفسي اشارك الناس فيها لكن ماعندي اسلوب وماأجذب في
الحديث لان دائما صراحه امي وخواتي يسكتون اذا جيت
اتكلم لحد ماصار عندي اضطراب ، فأتمنى منكم ماتقسون على
اي شخص في الحوار لأن فيه ناس حساسة لكن ماتوضح

ماراح اسامحها

اعترف اني حبيت وحده من قلبي تكبرني ب 5 سنين
اتفقت معاها اني بتزوجها لكن هي تقول انتظر مو
الحين لاتستعجل كنت اتواصل معاها يوميا تعلقت فيها
كثير في يوم من الايام كلمتني وقالت انا انخطبت
واخواني غصب زوجوني يقولون نبيه رحت سألت طلعت
تكذب مااحد جبرها عليه اكتشفت انه هي موافقه عليه
بإرادتها دعيت عليها وربي مارفض دعوتي بعدها
بشهرين من ملكتها طلقها قبل لا يدخل عليها وكانت
ترسلي بعدها تتعذر ماراح اسامحها ابد على اللي
سوته فيني

الراحة والثقه اهم شيء

اعترف إن روجي صار النسبة لي كل شيء ل درجة
ولدت عنده ونفسني وصار لي الزوج والام وكل شيء
ولا قصر علي بشيء والله انه نعمة من رب العالمين
ماشاء الله تبارك الله ، يهون علي اشياء كثيره، بس
مشكلتي اني غيوره جدا من كثر ما احبه اغار عليه
وغيرتي بشعه متعبه عطوني حل اخفف منها او كيف؟
وحبيت اقول ل البنات اللي ياخذون موقف من الرجال و
الزواج ترا مب كل الزواجات والرجال نفس بعض وانتي
على م تعودين زوجك عليه راح تمشي حياتكم بسعادة
والتفاهم والراحة والثقه اهم شيء

علموني وش الحل؟

انا عمري ٢٦ جامعيه ومثقفة والكل يشهد
لي بالجمال، من عمري ٢٢ سنة
والخطاب يتقدمون لي وبعضهم بوظائف
مرموقة جدا وبعضهم رجال اعمال
وبعضهم موظفين عاديين ، عدد الخطاب
اللي اذكرهم فقط يتجاوزن ٣٥ عريس ،
بس مصيبتي وحده فقط وهي اللي
خلتني ارفضهم كلهم، اني خايفه وبشكل
لا يطاق من اول ليله في الزواج اللي هي
ليله الدخلة، بمجرد ما يقولون لي فيه
عريس جايك واتذكرها ارفض على طول
واجلس ابكي، عندي هستيريا غير
طبيعية ، مدري من اللي معلمني انها
نهاية الدنيا ليلة الدخلة، والله العظيم
تعبت واهلي صاروا يشكون فيني لأني
ارفض الخطاب بحجة انهم شاكين اني
اكلم واحد وانتظره يخطبني وبعض
الأحيان ابوي ياخذ جوالي بالأيام
واخواني يوميا يفتشونه

ما يضر

اعترف انه من كثر م يحبني كرهته
معليش مو كل شي حب وغزل
شوية مسؤوليه طيب!! عقل كبير شوي
تفكير كبير وثقل ما يضر

ارجوكم تبغى حل

صاحبتي اتعرضت لتحرش في صغرها من خالها ولمن بدأت
تستعيد الثقه في جنس الرجال حبت واحد وقالها يحبها وكدا
اتزوجتو بعدين اكتشفت انو قاي إ! وكل ما تقولو حرام عليك
أنا كنت صريحه معاك في الي اتعرضت له يقولها تحمدي
ربك متزوجه منتي عانس ولا قح** البنت مره منهاره وماهي
عارفه ايش تسوي وماتبغى تقول لاهلها انو زوجها قاي
ومايبغى يطلقها.. ارجوكم تبغى حل

وضعي المعكوس

عمري ٢٦ سنة بداية حياتي العملية اشتغلت مع ابوي
في التجارة بسبب انه غير قادر على العمل ومشقته و
الان ابوي فلس ، وانا اغتنيت و صرت اصرف عليه و
على اهلي وعلى نفسي و الحمد لله مبسوط بس
مستحي شعور غريب انك تعطي ابوك مصروف مدري
كيف اتعايش مع وضعي المعكوس

مذهبها يختلف عن مذهبي

أنا حبيت وحده مذهبها يختلف عن مذهبي لنا حدود السنتين
واعشقها بجنون واهلي واهلها رافضين فكرة الزواج عشان
هالشيء وش الحل؟

علشان أمي

أنا متخاصم مع ابوي من فتره وبيننا مشاكل ماتخلص كله
علشان وقفت بوجهه عند امي دايم يضربها وامشيها له الين
خلاص وصل لمرحلة لازم احط لها نهايه والحين كل من
شافني حرام عليك هذا ابوك ليه تسوي كذا فيه وانا والله
العظيم انه علشان امي ويدعي علي الليل والنهار وانا موظف
في منطقه ثانيه بعيد عنه وأخذت امي تعيش معي وترتاح منه

هو غلط أو حب؟

اعترف اني طالب جامعي عايش بألمانيا متزوج المانية وعندنا بنت

وعايشين احسن عيشة واهلي خاطبين لي وما يدرون اني متزوج

مدري هل هو غلط أو حب؟