نفاس وجوي مكتئب

نفاس وجوي مكتئب وحاسه باحتياج

عاطفي لزوجي الله يسامحه اللي جالس
يدفش بكلامه ويسم بدني ويحط راسه
ينام…..
مين يفهمه ي عرب !!!
ادري يحبني وقلبه كبير بس جاهل وغبي
موب داري انه يقهرني ويجرحني!!
يعني طالعه من كربه وتعب حمل ومسؤليه
رضيع وعليها قايمه بواجباته ويقول افكر
اتزوج والمره لاحملت خلاص انتهت
صلاحيتها!!
ويحط راسه وينام حتى شخيره واصل
الجيران!! نعنبو قلبه!!
ودي ازطه واخنقه
لا وممتنعه عن طقوس النفاس علشان
عيونه صح ريايل يرفعون الضغط و
السكررر

انفصل او لا؟

زوجي اكبر مني ب ١٣ سن وأحس اني ظلمت نفسي معاه
أنا في عز شبابي وابي العب واروح واجي وانبسط وهو
تفكيره تفكير شايب معقد ذبحني بغيرته حتى لو سافرت
ماانبسط معه لان كل شي ممنوع يعني عايشه معاه بسجن
سواء سافرت والا في البيت مع العلم انه يسافر لوحده
للمغرب وكل شي مسموح يسويه متفتح من ناحيته ومعقد من
ناحيتي وشديد علي ولايهتم بنفسه وشكله دب وكرشه افكر
انفصل عنه بس بينا ولد وهذا اللي مصبرني

عليه .. ابي حل

انفصل او لا؟

دعواتكم تكفون

انا كنت ادرس برا وحبيت بنت لدرجة
اني قررت اقول لاهلي واللي يصير يصير
البنت ردتني ويوم سافرت حبت واحد من
اخوياي يوم دريت تغيرت شخصيتي
وصرت كل شوي اهوجس بهالسالفه مع
انه السالفه له سنتين تقريبا
دعواتكم تكفون اقسم بالله كرهت كل شي
للحين وانا ادورلها عذر براسي و ما قدرت
اكرهها

طاح من عيني

انا ابوي مطوع وامام مسجد وعنده فلوس
بتغطي الدنيا، ومع ذلك ما نشوف الريال وماقلنا
شي رضينا وصار كل واحد يتصرف بحياته من
فتره قفطت ابوي انا وخواتي يشوف مقاطع+18
وجاي يقول لنا بتزوج مع ان امي والله العظيم
حاطته بعيونها وم يستاهلها وعذره اني ابيها
تقوم فيني لاكبرت ؟ مدري شقول بس انه طاح
من عيني من زمان وهالحين كرهته اكثر واكثر
اتمنى امي تشوف نصرها فيه الله لايحلله

وش ينسيهم؟

انا بنت تخرجت من الثانوي وتوظفت على
طول بمستشفى وبكون اني مراهقه وبسن
خطره ومع هالاختلاط واحتكاكي مع بنات
كثير انجرفت في كثير اشياء الله يعفو
عني وخربتها لدرجه ان اهلي دروا عني
وانعدمت الثقه للاسف كرهت نفسي
وكرهت عيشتي انا تبت ويمكن الله يغفر
ويسامح بس اهلي وش ينسيهم؟

راحت الهيبة

“ابوي يشوف مقاطع حريم وصخة بالجوال طاح من عيني كنت احسبه واعي وعاقل وش اسوي؟ كنت احترمه اول الحين احس راحت الهيبة.”

فيه أمل ؟

“أعترف إني حبيت وحده اكبر مني ب10 سنوات منفصله ،لديها اطفال وانا عمري 25 سنه! اعزب ، وش رايكم فيه أمل ؟؟؟

عجائب قدرته

أعترف إن زوجي السابق حقير خذلني وغدر بي طلقني
سنوات وأنا أنتظره
وقال لاتتزوجين برجع لك ٥
وآخرتها تزوج وقال شوفي طريقك ! يارب يريني فيه
عجائب قدرته

عطوني حلولكم

السلام عليكم، اعترف انه اختي متزووجة لكن تكلم
شباب و ريلها وايد زين وياها و مب مقصرر فيها
بسس هي ما تستاهل، وانا واختي الي اكبر مني
نعرف عن الموضوع بس ما نعرف كيف نفتح الموضوع
معاها كيف ابدا معاها عطوني حلولكم

لرجال يكره نظرة الاستعلاء

خالي حالته الماديه عاديه وتزوج وحده
من طبقه غنيه و لهم ١٥ سنه متزوجين
الحمد لله وامورهم تمام.. دايم تسولف
لنا عن اهلها وعن تجارتهم وانها تنازلت
عن العز واخذت خالي مع العلم انه ما
يقصر عليها بالملابس و الالماس واهي
بعد عازه نفسها بوظفيتها.. انصدمنا ان
خالي تزوج عليها واهي انهارت وانكسر
قلبها وانقلبت حالها.. تعتبره خان
العشره والتضحيه اللي قدمتها انها قبلت
اللي ابي اقوله ان الرجال كان طيب معها
و لا قصر عليها بس الرجال يكره نظرة
الاستعلاء و مهما يعطيها قليل بنظرها لانه
دائم شعور داخلها انها تنازلت ورضت
نصيحه : حبي زوجك/تك بمميزاته و
عيوبه والزوجين صفحه جديده و عائله
جديده مالها علاقه بالغير