اهل زوجي باليوم الوطني

السلام عليكم،،، انا مطلقه عندي بنت عمرها سنتين ياناس ياعالم البسها اكشخها تروح لعند اهل ابوها بنفس الساعه جدتها حسبي الله عليها تفسخ لبسها وتخرب كشختها وتلبسها من بجايم بنات بناتها المستخدمه والمقطعه لكن مع الايام بلعتها وصبرت لكن تخيلوا اليوم كشختها باللبس الاخضر حق اليوم الوطني من اكسسورات وكله تخيلوا فسخوا لبسها وخربوا كشختها لبسوها بجامه معفنه وكل بزارينهم لابسين لبس لحوج الشعر منكوش اقسم بالله
اقسم بالله اشكال وراعينهم تقول كنهم توهم صاحين من النوم وخلوا بنتي بنفس شكل بزارينهم وخربوا كشختها الا يبون يلبسوها من فضلة بناتهم المشكله ارسل اغراضها كامله مايلبسوها تعبت معاهم جابولي المرض مدري ليه مايخلون البنت بلبسها مكشوخه وش السبب برايكم يسوون هالشي لا ومصورينها سناب منزلينها حسبي الله ونعم الوكيل في كل اهل زوج تحرق قلب الام بطفلتها وحسبي الله ونعم الوكيل ع كل رجال ماعنده شخصيه وراضي باللي يسوونه اهله قهروني يوم شفت بنتي مبهذله بالجامه المستخدمه علموني ع شي يوقفهم عند حدهم

امي

انا متزوجة وعندي ٣اطفال توظفت وظيفه براتب بسيط جدا الفين ريال مضطره ع الشغل بسبب الوضع المادي لزوجي واحتياجات الاطفال لازم اساعده والحمد لله بس امي تبي مني مصروف شهريا وانا جدا محتاجة المبلغ عندي اطفال وراتب زوجي مايجمل ابد تعذرت منها وزعلت موعارفه كيف اتصرف وارضيها ماهيب عاذرتني ابد يجي نهايه الشهر مامعنا ريال

اخت زوجي

السلام عليكم بدخل بالموضوع على طول وش رايكم بأخت الزوج اللي تخطب كل شوي لواحد من اخوانها المتزوجين تبغاهم يتزوجون الثانيه كذا بس.. الكل معه عيال بس هذي وظيفتها بالحياه قبل فتره خطبت لاخوها وعرفت زوجته وصارت مشكله بينهم وتفركشت الخطبه وواحد ثاني كمان خطبت له وتزوج مع ان عنده عيال وجا الدور على زوجي شفت محادثه لها تقوله وش رايك اخطب لك وحده ممرضه حلوه وترفع بالبنت وتمدح فيها تقول بسألها اذا ترضى تكون الثانيه نعم خير مع انه والله اننا كلنا نقدرها ونحترمها ومابيننا مشاكل بس حسبي الله عليها خرابة البيوت
جعل زوجها ياخذ الثلاث مره وحده الله ياخذها ياارب اللي بتخرب علينا ذي المريضه شسوي معها اواجهها ولا كيف لازم توقف عند حدها شورو علي

صديقتي

السلام عليكم .. انا عندي صديقه من16 سنه والله نفس اختي ربي يسعدها والكل يعتبرنا خوات احبها اكثر من روحي وماعمرها خذلتني او زعلتني بشي ربي يحفظها المشكله الصغيره انها بخيله وايد الله يهديها يعني تحسب الفلس بالفلس وتبخل حتى ع نفسها لدرجه يتغير لونها لو اقول لها اشتري الريوق اوالغداء لان انا مرات اريقها واقولها دورج تغديني مابينا رسميات بس هي يتغير لونها وماتحب تدفع واحسها تتضايق تخيلو ياجماعه لدرجه لمن اعطيها فلوسي واقول لها جيبي لي جذي وجذي تجيب لي شي رخيص وتقول لي مانقصت من فلوسج الا دينارين او ثلاث دنانير ! حتى ماتحب غيرها يصرف ووقت انزل مكان واشتري تقول احنه وايد مبذرين! وودي افتح معاها الموضوع بس اخاف تزعل مني وانا ماعمري زعلتها

حازم

انا مش مبسوط في حياتي . حياتي روتينيه جدا ممله لابعد درجه . عندي صحاب كتير بس صحاب للخروج بس مش للعلاقات الشخصيه . مرتبط بواحده بقالي 5 سنين بس انها تفهمني او تسمعني اصعب عندها من الغزو الفضائي . لما بكون متضايق ونفسيتي وحشه للاسف مش بلاقي اي حد اتكلم معاه واحكيله مالي وده بيزود من سوء نفسيتي وحالتي . انا وعيلتي مش مترابطين اوي ومحدش فينا بيتدخل في حياه التاني للاسف وده كمان مزود حالتي سوء . انا مش عارف اعمل ايه لوحدي جدا اغلب اوقات اليوم وبتهرب من اي حد يحاول يقرب مني ويشوفني . انا مش مبسوط خالص في حياتي الفتره دي . عارف ان الصلاه وقراءه القرآن علاج بس انا مش حابب انه يكون العلاج الوحيد ليا .

ابوي وشغالتنا

السلام عليكم ..
بدون مقدمات عندنا شغاله لها سنه تقريبا من استقدمناها واحنا اول مره نجيب شغاله ، مشكلتنا ابوي الله يسامحه مره شفته معها في المطبخ يحاول يتحرش فيها قسم ماصدقت عيوني حاولت انصحه وهددته ووقف فتره بعدها رجع لحركاته ومره شفته طالع من عند غرفتها مدري وش يبي سويت نفسي ماشفته قسم قعدت ابكي حسيت بالقهر سألت نفسي معقول هالحركات تطلع من ابوي ؟؟ اذا عياله الي هم اخواني مايدخلون اي غرفه الشغاله فيها لانهم يستحون ومتربين على هالشي الحمدلله وعمري ماشفتهم يحتكون فيها وابوي يقول عادي اكلمها لاني رجال كبير زي ابوها قلت له انت مهما يكون رجال غريب بالنسبه لها يعني اذا بغيت شي تطلب مني او من امي او اختي
ماني عارفه اقول لامي بس ماودي اضايقها مع انها تعرف ابوي زين وابوي من النوع الي عينه زايغه الله يصلحه ..
تكفون وش الحل ؟

ايش الحل

السلام عليكم انا عندي مشكله ف ماعرف هل هو من اعراض الاكتئاب او ايش انا شخصيه صرت احب العزله واحب اغلب وقتي اجلس لوحدي ماصرت اسولف مع احد واغلب وقتي بالبيت ماصرت احب اطلع وفيني تردد فضيع وصرت انفاعليه بزيادة سابقاً ماكنت كذا هل الشي ذا طبيعي ولا مرض اكتئاب قولولي عن حل الله يسعدكم

مخنوق

انا موظف وعلاقتي ممتازة مع مديري بالدوام .. كان يسولف معي وفتحنا موضوع الزواج وقلت له اني للحين ماحصلت بنت الحلال فقال لي بصراحة انت رجال واني اتمناك لبنتي الوحيده
فكرت بالموضوع وشاورت اهلي وراحو يتعرفون على البنت وعلى اهلها فرجعوا اهلي قالو لي البنت اخلاق ودين وجمال ورحت تقدمت ليهم وكنت ابي اشوف البنت النظرة الشرعيه بس ابوها اللي هو مسؤولي بالدوام مارضى هو ملتزم وصاير معقد يعني الدين الاسلامي دين يسر بس في ناس يبالغون
المهم اني وافقت وقلت يالله دام اهلي قالو جميله ان شاءالله بتكون مفاجأة لي
المهم يوم العقد بعد ماكتبناه رحت علشان اشوفها وانصدمت انها ماعجبتني ومو مثل مااتمنى تكون شريكه حياتي ولا دخلت قلبي وحسيت اني مخنوووووووق ومتضاااااايق بس مابينت حق حد بهشي وعرسنا والحين صار لينا تقريبا سنة ونص متزوجين
بصراحه البنت مو مقصره معاي باي شي قايمه بواجباتها واخلاق ودين بس ماني قادر احبها ولا اتقبلها
والحين صار لينا سنة ونص تقريبا متزوجين وهي تبي ولد بس انا ماابيها تحمل لاني افكر بالانفصال ماابي اظلم الطفل
المشكله ان ماعندي سبب مقنع للانفصال غير اني مااحب زوجتي ومااتقبلها واهي مو مقصره معاي وانا احاول اصيد عليها اي غلطه عشان يكون طريق للانفصال بس ماني محصل اي عدر
اذا انفصلنا انا متأكد اني راح اخسر وظيفتي لان ابوها يقدر يحط لي العداوه ويفصلني بس مو مشكله بادور شغله غير وانا ادري ان بيأنبني ضميري لان بكون ظلمت بنت الناس بس انا ماابي اظلم نفسي بعد ابي اعيش مرتاح مثل باقي المتزوجين انا عمري 24 سنة يعني في وقت اتزوج مرة ثانيه واصلح غلطي بس وش اقول للبنت وش اقول لاهلها واهلي رحم الله والديكم عطوني حل
واتمنى القى من يحس فيني ويساعدني على حل مشكلتي ويجزاكم الله خير..

ابو هياء

اعترف ان ودي اتزوج ثانية وحدة غنية تسدد قرضي العقاري وتريحني منه اللي نهش راتبي نهش
الله يقضي عني الدين ويغنيني من الفقر

منال

مرحبا انا بيضاء جميلة قبيلية مطلقة وعندي بنت لي ثلاث سنين مطلقة انخطبت من أشخاص مو مناسبين واخر واحد خطبني مناسب لي مره هو مطلق زيي وقبيلي وعنده بنتين لكن عيبه انه اسمر مره يعني اسود وابوه نفس الشيء ولما شافه واحد من اخواني قال لو تزوجتيه ما راح احضر زواجك يقول انتي مو بشعة لدرجة تتزوجي اسود والناس يقولوا زوج اختك عبد هذا كلامه واحس فيه عنصرية بس اكيد هذا راي أغلب اقاربنا لان مافي وحده من اقاربنا تزوجت واحد اسود واهلي بعضهم معترض بس الرجال ماينعاب وسألنا عنه وعمره مناسب تعبت من التفكير واستخرت اكثر من مره مدري اش اسوي وفي نقطة مهمه أغلب اللي يخطبوني متزوجين ويبغوني زوجة ثانية يعني افضل اتزوج متزوج ابيض والا مطلق اسمر اتمنى تقرأوا موضوعي بتمعن وتساعدوني في توضيح الامور لأني مو عارفة اتخذ القرار وشكرا