وش الحل

اعترف يوم اني بالثانوي سرقت من بنده اكثر من مره صابون ومنعم ملابس لاننا كنا فقراء وصعب علينا نشتري صوابين معطره فكانت بنده قريبه امرهم واسرق وارجع وبعد سرقت من محل تسجيلات اسلاميه اشرطه دينيه لاني احب اسمع محاضرات
الحين انا موظفه وظيفه مرموقه الحمد لله وشبعت واغتنينا ولله الحمد ودي ارجع لبنده فلوسها وكذلك لصاحب التسجيلات الله يغفر لي ذنبي بس ربي عارف بحالنا وجوعنا ذيك الايام

7 Comments

اتبرع عنهم بنيتهم والله يغفر لكم باذن الله

يقول علي بن أبي طالب رضي الله عنه
لوكان الفقر رجلا لقتلته

ما أقدر أفتيك

لكن تصدقي على نيتهم

والله يغفر لنا ولك ولجميع المسلمين

هلا اختي احييك على ضميرك الحي اقترح اذا كنتم بنفس المكان تمرين وتتواصلين مع الادارة في بنده وتقدرين المبلغ وتقولين هذا مبلغ لكم عندي من سنوات وحابه اوصله لكم واخذ فيه ايصال بدون ذكر التفاصيل منها ابريتي ذمتك ومنها رجع لهم حقهم

واذكرك ان تستشعري نعمة الغنى بعد الفقر وتحمدين الله وتذكرين الفقراء من حولك سوا اقارب او جيران بصدقه لان هذي التجارة الرابحه مع المنعم سبحانه

وأسأل ربي ان يديم عليك الغنى والسعادة والتوفيق .

… انا سمعة شيخ يقول اذا تعرف من اخذت منه فعليك ارجاع ما اخذة .. و مثل بنده معروف مكانها تقدرين تمرين عليهم وتقولين عن طريق لخطاء صار لكم مبلغ عندي . ويقدرين المبلغ …..وقال لشيخ اذا لم تستطع وجود صاحب لحلال فعليك لتصدق له بمقدار ما اخذة …. والله اعلم …

ههههههه

الأشرطة إللي كنت تسمع المحاضرات منها ما سمعت فيها إن السرقه حرام.

يا حليل الطفولة .

الله يعفو عندك

فكرة زينه ارجعي فلوسه والله يعطيك خيره

لا تتواصلي مع الادارة ولا شيء..
روحي بنده وقولي للكاشير اخذت صوابين قبل فترة وما دفعت سعرها.. خليه يمشيها بالجهاز وادفعي سعرها ورجعيهم..
الأشرطة نفس الشيء روحي المحل وادفعي سعر الأشرطة ورجعيهم للمحل..
وتصدقي لله وادعيه ان الله يحفظك والمسلمين من السرقه..

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>