منتهى محمد

احس بضيقة وكل شي ضايق فيني ومافيه امل وتعبت من التفكير
انا كنت متملكه وفسخت ملكتي قبل ثلاث سنوات او اكثر لانه الرجال طلع مريض ولا بلغونا بهالشي وغشونا وكذبوا علينا وهذا مرض وراثي لكن اهلي قالوا عشان ما يصعبها ويمرمط ويعلقك بنقول البنت ماتبيك عشان يطلق بسرعة ورفضت ليه ماتقولوا الحقيقة وتحاسبوهم و ابغى المواجهةوالحقيقة تطلع لهم وللناس وهذا زواج مو لعبة بس ابوي رفض قال بيقعد يماطل ويمكن مايطلق يعلقك
وسوا ابوي هالشي غصب عني حتى هددني مالي شغل فيك لو تتزوجيه بعدين تتطلقي بعد الزواج ماتجي عندي مافيه رجعه لبيتي وسوا ابويا اللي براسه وحتى ما اعلنوا للناس انه تم الطلاق عشان الرجال طلع كذاب وفيه مرض وووو لا سكتوا وخلاص بس لما سألوا من جماعتنا قالوا لا ماتم الزواج وبس ليش طيب تظلموني كذا حسبي الله ونعم الوكيل
اهلي بعد هالموضوع انقلبوا صار تعاملهم خبيث وسيء جدا جدا
وانا الحين صار عمري ٣٣ كل ما يجي خطاب مايتم الامر ومشاكل بالبيت وصراخ وطقاق اهلي يرفضون يزوجون الا قبيلي واذا صار قبيلي قعدوا يشلخونه شخل لا مايناسب ويطلعون فيه عيوب الدنيا عشان مايتم الموضوع هذا مو من ثوبنا ومدري ايش ومن هالكلام وحتى نفس الشي خواتي
وحده عمرها ٢٩والثالثة٣٤ والرابعة عمرها ٣٦ وحنا يتيمات ومافيه احد معنا وابوي واخواني مستقوين علينا ابوي يقول لأختي مافيه زواج اقعدي بغرفتك لين الله يفرجها لك او تموتن ارتاح منكم ويتحسب علينا ووحنابارين فيه رغم اذاه وظلمه وصابرين لكنن تعبنا والعمر يمضي ومحد داري بمعاناتنا ولا احد يكلمنا ولا يدخل بيتنا ولا شي حتى مانعنامن الوظيفة الحكومية ومن كل شي ما ينفق علينا ويقول اصرفوا على انفسكم روحي توظفوا قطاع خاص اهم شي بالمدينة نفس المنطقة ماتروحين مكان ثاني تمرمطي بالحياة ولا تطلبيني شي ومالك شي عندي بس حكومي لو تطيروا مافيه طبعا هوا متزوج وعنده حرمتين لهن بيتهن بس شر هذولي الحرمتين واصل لنا حابسنا في الحياة
ماندري وش نسوي عجزنا نوعظه مافيه فايده جبار جبار جبار متكبر
ويش الحل مع هذولا تعبنا تعبنا
ماعندي عمان وخوالي عارفين ابوي فما يحبوا يدخلوا معه مشاكل على انه شيبه لكن حسبي الله ونعم الوكيل شره واذاه وقوته وتسلطه تهد جبال ومسوي فيها انه مطوع وصاحب دين وهوا ظالم حسبي الله ونعم الوكيل

7 Comments

الله يعينك ويفرج همك ويزيل كربك ويفتحها عليكم من اوسعةابوابو رزق وعطايا

استغلي شهر الكرم والعطايا استغلي قيام الليل والله انه باب سحري ادعي من كل قلبك اشكي كل همك للواحد الاحد احكي باللغه الي بدك اياها واضربي امثله وشو صار معك وشو نفسك يصير وشو بتتخيلي الحياه احكي كل الي بقلبك واضحكي واتمني وابكي واتوسلي كله وجبهتك على سجاده الصلاه

كانت صديقتي قدام اهلها تصير تصفن بالحيط تعمل حركات خفيفه انها شبه انجنت صارو بدهم يتخلصو منها قبل ما تزيد بخاف هاي الطريقه تأثر سلبيا اكثر عليك

ولي امركن والله وليه وحسيبه
حطيه بركن في حياتك
واجلسي مع عمرك وخططي لمستقبلك دوري الثغرات واستغليها اذا كان من النوع اللي يحب يتشكوى افرشي له زوليه مع قهوه وايديه انه مظيليم وكل ماجاتك فرصه ادخلي على تفكيرة وشوفي وش الدرب اللي يقنع به واقنعيه موب زين البنات يقعدن بدون رجل والرجال اذا جاك زوج بنتك نفاع وينشد به الظهر وهو خرط بخرط بيجيكن ازواج وبعد مدة تنحاشن لابوكن منهم المهم لاحقين خير والصفحه هنا تنتظركن تعترفن عن ظلم ازواجكن ههههه وفصفصي نفسيته لين تلقين الطريق له وتحصلين اللي تبينه

(إن مع العسر يسرا….
سبحانك لا إله إلا أنت أني كنت من الظالمين

ربما يكون غدا أجمل
لافرح يدوم
ولاحزن يدوم
ولاصحة تدوم
أسال الله العظيم أن يوفقكن
وان يزوجكن ازواجا صالحين

تواصلي معي لعل الله ياتي بالفرج

اشتكوه للقاضي وهو يزوجكن ويرغم ابوكم على تزوجيكم وهذا الموضوع ليس من العقوق ان تشتكين الى المحكمة

الله يفرجها عليك انا صار عمري ٣٢ وماعندي خوات بس اخوان وكل ما انخطب اهلي يرفضون اللي خاطبني نفسي اتزوج كل اللي اعرفهم حولي تزوجو مدري وش اسوي باهلي تعبت

عندما يكون الولي متسلط سواء اب او اخ ويرفض تزويج البنت بدون سبب تنتقل الولايه للقاضي ويزوجكن غصب عن ابوكم .

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>