مشاكلي مع أهلي و زوجتي

انا زلمه متزوج من ٤ سنين ونص …
متزوج بنت الله يعطيها صحه ويرضى عنها 
حاله المادية مش كثير..واغلب بعرف الوضع كيف
وقصه الدين بعد زواج..ولانه بنيت البيت ..وشغل مش مساعد كثير
هي وقفت معي حرام….ومقدرة الوضع
هاد شي اهلي مش عاجبهم كل ساعه والثانيه بحكولها…خبي تصرفيش..لا تشتري ل الاولاد ملابس
تروحيش محل خليكي ب بيت تطلعيش
انا ساكن قبالهم..باب قبال الباب..كثير بقلهم مرتي محدش يدخل على الفاضي
وهي بتروحش الا على اهلها مسكينه
واخوتها بيجوا ياخدوها بحكم لا معي رخصه ولا شي
اخر فترة ابوي يحكيلها .حوشي بدل مصروف الي بتصرفيه اشتروا بيت
بكفي ع شغلات فارطه تصرفي..هي من حره حكتله ليش شايفني طول نهار بصرف وبروح كافيهات ومطاعم ورحل وسخام
تعال شوف ثلاجه فش فيها شي وانا ساكته
وروحت ..وحكت معي وهي بتبكي وبتصرخ ل اول مرا بصير بينا هيك مشكله
وبتنام زعلانه
حاكيت ابوي وقلتله ليش هيك بكفي انها ساترتني ومو فاضحتني متل غيري وكلام كثيررررر حكيته
وهلا زعلانين من مرتي وانا عشان جاوبتهم…مع انه هي وحيدة الي بتحكيش غير عن نسوان اخوتي الخمسة
ليش بتعاملوا هيك مش عارف هي اكثر وحده بتبرهم وبتاخد الهم اي شي بجيبه واي شي اهلها بعطوها اياه ..بتقسم بينا..ومع هيك بحكوا عليها
وخايف هلا تصير تتفشش
اعطوني حل 

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>