محمد

السلام عليكم قصتي ماهي جديده مرت على كثير من الناس انا انسان حبيت وحده الان معها سنه وحبيتها وحبتني وناويها زوجه لي بالحلال ونيتي معها طيبه لكن المشكله اللي انا فيها البنت قبيليه وانا خضيري وقبل كم يوم قلتلها قولي لابوك سالفه صايره لصديقتك ان وحده من صديقاتك تقدم لها واحد خضيري واهي قبيليه ورفضوه وشوفي ردة فعله ، المهم ردة فعله قال اي انا بسوي مثل كذا انني برفض اللي مو قبيلي ، بغض النظر عن الدين انا عارف ان الدين مايمنعني عنها لاني قريت مواضيع كثير وعرفت انه مايمنعني الا العادات والتقاليد ، لكن ابي نصيحه واريح فيها قلبي واريح البنت ، امي تدري واخوي الكبير يدري كلهم عرفوا وقالولي ماراح يزوجونك وابتعد عنها لكن امي قالت عطني رقمها وبكلمها مع انني عارف الجواب لكن عطوني حل هل اقعد احاول ولا خلاص ارضى بالامر الواقع واهي البنت تزعل لما اقولها خلاص يعني كل واحد يشوف طريقه وانا اشك ف نفسي اصلن انني بقدر افارقها بهالسهوله هل اكمل معها ولا ابتعد عنها من كل الطرق اللي اكلمها فيه واسف على الاطاله بس تعبت من التفكير والهم والضيقه واكتشفت ان كل اللي يناسبونهم قبايل ف انا بصير اول خضيري !!! انصحوني جزاكم الله خير وريحوني

وهل فيه امل يزوجوني تعرفون ناس صارت لهم وزوجوهم ؟

2 Comments

نصيحة دور لك من ربعك وارتاح من المشاكل ووجع الراس وترا الحريم ملأ الأرض بيرزقك الله أحسن منها وأجمل وأفضل .. لأنك لو تزوجتها بتصير مشاكل بيروح ضحيتها في المستقبل عيالكم ولو تقرا وتطلع على القصص والأخبار اللي في المحاكم تعرف صدق كلامي وشف الجرايد كل يوم واش فيها من التفريق بين زوجين بسبب النسب ..
ريح رااااسك ودور غيرها ونسأل الله يغني كل من فضله

اتحدث من واقع خبرة وقضايا
صحيح ان الدين يرفض العادات والتقاليد لكن في قضايا كثير تخص تكافؤ النسب

نصيحة ابعد عنها لان بعض البنات الله يهديهم تفهم التضحية من باب اخر وصارت قضايا كثير لدرجة البنات يرفعون على اهلهم قضايا عضل وهي قضايا خسرانه لانها لم يمنعها من الزواج نهائيا لكن منعها من عدم التكافؤ
اذا تحبها ادعي لها وابعد عنها افضل وفهمها هالنقطة

بالنهاية صحيح الزواج مهم لكن الاهل مالنا غناة عنهم ابدا

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>