كيف ارجع طبيعه

السلام عليكم ..

باختصار .. اعاني من مشكلة وفعلا ما عرفت من وين ابدا الحل .. بحث بالنت و ع اليوتيوب .. ما لقيت .. احتاج احد فاهم او دارس او عن تجربه يقول لي ايش اسوي بالضبط
( اول شيء ممكن تعرفونه .. اني متحمله مسؤوليات كبيرة شوي وحمل الله اعلم فيه .. والله يصبرني ويقدرني ويجعله كفاره لذنوبي .. تعرضت لظلم .. لقهر .. لضغط .. كل ما تتوقعون .. بس الحمدلله ما اثر علي بشكل غلط .. انما صار دافع اني اكون احسن وافضل واتعلم وهذا من فضل الله علي .. لدرجة دايم اسمع هالكلمة .. انك عن 100 رجال )

الزبده
كلنا نتعرض لضغوطات و مواقف صعبه بالحياه .. بس اللي صاير معي .. وصلت لمرحله ما ابي احد يقول لي ااي شيء .. ما عاد اتحمل شيء .. يعني لو احد لمسني ممكن انفجر فيه

وهالشيء مررررره مأثر علي .. يعني اعصب على اشياء ما تستاهل .. اشياء ممكن الواحد يعديها وبكل هدوء وسلام

الحمدلله محبوبه جدااا بين اهلي .. مجبوبه جداا بدوامي ..

بس صار لي فتره ما اعرف ايش فيني ما عاد اتحمل احد يقول لي كلمه الا اطير فيه واعصب .. واطلع من المكان بغضب ويا ويل اللي يجي قدامي بهاللحظة ممكن اكسر اشياء او ارمي اشياء قدامي.. بعدها بدقايق ممكن ابكي وارجع طبيعيه مثل قبل و اعتذر من الناس و اجمع اللي كسرته واندم حيييل وانه وش فيني ليش صرت كذا يعني ما يستااهل هذا كله بس لحظتها .. اووووف بركااان … بس ما اغلط يعني ما اسب او اشتم احاول امسسسك لساني بس اصارخ ارفع صوتي بالكلام يعني يعني اقف الباب بقوه وكذا يعني .. صح ما اغلط غلط كبير .. بس برضو عيب يعني فيه قله احترام للناس اللي فدامي .. فيني غضب جديد علي هالشيء ما كان فيني قبل

اللي حولي ويعرفوني ما يواجهوني بلحظتها .. يبعدون عني ويخلوني ع راحتي .. بعدين لما ارجع اعتذر .. يقولون عاذرينك .. لأنهم عارفين ظروفي

اكثر من وحده قالت لي .. اللي فيك كبت .. بمعنى ان في مواقف بحياتك مرت كان وقتها ممكن تنهاري .. لكن تمالكتي نفسك فيها وبلعتيها وسكتي .. وصار عندك تراكمات .. كانت مدوفنه جوه و الحين بدت تطلع ع السطح وصرتي ما تتحملي كلمه

طيب اذا كانت فعلا هذي المشكلة .. كيف اخرج هالاشياء من داخلي بشكل صحي وسليم .. ابي ارجع انسانه طبيعيه

بحثت عن اي شيء .. تمارين .. اشياء ممكن اسويها .. ما عرفت

بليز احتاج نصيحة لأن هالشيء فعلا مطلعني بشكل مو كويس ابداا .. صايره شريرة :(
_____________________
من جد اعتقد الكل محتاج طريقة صحيه وسليمه يطلع فيها الاشياء المتراكمة داخله قبل ما تطلع برا .. لأني ابدا ابدا ما توقعت انها ممكن بيوم تطلع بالشكل البشع هذا ..

كنت انسانه مسالمه مبتسمه الامور كلها سهالات وتنحل عندي .. اللي صاير معي شيء مرررره مو كويس

3 Comments

  • واحد قال:
    dddddddd

    بكل بساطة نفذي وصية الرسول ‎ﷺ
    لا تغضب .. لا تغضب .. لا تغضب
    و أول ما تشعري بالغضب إن كنت واقفة اجلسي
    ثم إن بقى بعض الغضب إضطجعي .. طبعا هذا يعتمد على المكان اللي انتي فيه
    وكذلك يمكنك إن شعرتي بموجة الغضب اذهبي وتوضأي
    ويوجد حديث عن الوضوء في حالة الغضب
    وهذا الحديث وإن كان فيه ضعف إلا أن الواقع والعلم يؤكد فائدته

    قال الدكتور محمد نجاتي :
    ((يشير هذا الحديث إلى حقيقة طبية معروفة ، فالماء البارد يهدئ من فورة الدم الناشئة عن الانفعال ، كما يساعد على تخفيف حالة التوتر العضلي والعصبي ، ولذلك كان الاستحمام يستخدم في الماضي في العلاج النفسي” انتهى .))

    وهنالك أمر آخر لعله غير صحيح وهو
    افحصي السكر عندك .. بعض الناس وبعض المعلومات تقول أن تغير مستوى السكر يجعل الانسان عرضة للتوتر والعصبية ..

    والله يوفقك ويستر عليك ويهديء بالك

  • مرايه قال:
    dddddddd

    الله يشفيك ويعافيك
    وانتي صادقه محتاجين طريقه سليمه لتعامل مع التراكمات
    انا ما افتيك
    بس اذا وصلت معي لدرجة تكسير الاشياء
    اطلع للبحر امشي او ابكي واستغفر وطبعا اكلي حبه تشوكليت اقابل صديقه فرفوشه تغير جوي ارجع احس نفسي افضل

  • ذاكرة قال:
    dddddddd

    وعليكم السلام
    انا بصراحة انا مش خبيرة او عندي معرفه
    لكن دخلت ادعيلك الله يريح بالك ويخفف عصبيتك ويحل مشكلتلك
    اتوكلي على الله وحاولي تكوني على وضوء اكثر الاوقات وتنفسي واستغفري اول ما تحسي بعصبيه

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>