فضفضه

اتمني اكون ام، اذا سمعت انه وحده بتكون ام جديده ادعى الله انه يسر لها امرها و يعطيني اولاد، لكن ادعي و اجلس كذا يوم ابكي لوحدي.
ما اقدر اتكلم مع احد من اهلي هم يعرفوا عن وضع الانجاب عندي و مع كذا ما اقدر اتكلم معهم بعض اخواني كل ما شفني اطالع ل اطفال يجلس يناظر لي مررره يوجعني الوضع و امي صار لها فتره تقول لي الي ما يبي اولاد ليش يتزوج ايش يبي بالزواج و ما اقدر اشتكيل صاحبتي كفايه نظرات اهلي ، عمري قريب على الاربعينات وباقي ما اتزوجت وعندي مرض صعب معه الانجاب بعض الاطباء يقول لي الله مو كاتب لك تكوني ام، مع كذا دايما عندي امل اني اكون ام. ربيت اخواني من ابوي اللي امهم ميته كنت اكثر وحده شايلتهم ورعيت اولاد اخوي الكبير. لكن اتمنى انه الله يعطيني اولاد فتره كنت ما اقدر ادخل محلات الاطفال مع بدايه المرض و بعدها بكم سنه قدرت ادخل المحلات تبع الاطفال واشتري هدايا و ملابس ل اولاد اخواني، لكن فترات باتحسس من الموضوع كثير و فترات اصير احسن.
كيف اصير اقوى و اعدي الموضوع من غير ما ابكي؟

4 Comments

اشتري لك قطعه لطفلك من باب التفاؤل
وخبيها لحد مايجي اليوم وتلبسينه
او تلبسينها يارب
ماعلى الله صعب

كثري استغفار وقول
لاحول ولاقوة الابالله
اللهم اجعل همي الاخره
ويارب تنفرج غمتنا
ويرزقنا ضعف اللي نتمنى

امين يارب

اختي الله ييسر امرك …
عندنا واحدة نفس مشكلتك تزوجت وعمرها تقريبا 18 وتزوجت 3 رجال على مدى 20 سنة تزوجت الاول وجلست معه 10 سنوات والثاني تقريبا حوالي 12 سنه وراحت كل الاطباء قالوا لها انتي عقيم امر الله ماتنجبين ابدا ابدا وتزوجت الثالث وجلست معه حوالي 5 سنوات والله العظيم اني اعرفها جارتنا ومع زوجها الثالث وهي عايشه حياتها على اساس انها لا تنجب سبحان الله العظيم انجبت ولد وكذلك ولد ثاني وبنت والان معها بنتين وولد وبدون علاجات ولا شي …..

وانجبت وهي على مشارف الاربعين بعد زواجها الثالث …. الله يوفقك … وفيه معالجه معروفه في جدة وهي سبب من الاسباب راحوا لها ناس اعرفهم وعندهم مشاكل في الانجاب ورزقهم ربي بالذرية والحمدلله …

نسأل الله جل شأنه ان يلبي رغبتك ويفرحك بمولود

انتي انسانه طيبه ومحبوبه ان شاء الله فمن يحب الاطفال هو انسان طيب نقي

على فكره اولاد ابوك اللي ربيتيهم وابناء اخوك صدقيني انتي بمثابة امهم فالام الحقيقة هي من تربي كثير انجبوا اطفال ورموهم عند ابوهم ورباهم عماتهم وقريباتهم وهم بكذا امهاتهم

الحمدلله طرق العلاج كثيره هناك اطفال بالانابيب وهناك من يستأجرون رحم امرأه يضعون فيها البويضه المخصبة لين يكتمل الجنين ويولد

ونصيحتي لك اكثري من الدعاء في الصلاة وفي كل وقت انه يرزقك بمولود وان شاء الله تتلبى رغبتك

الله سبحانه وتعالى اذا اراد شيئا يقول له كن فيكون

السلام عليكم ورحمة الله وبركاته
اولاً يااختي بادعي لك ان ربك يحقق بما فيه خير لك واسال الله ان يكتب لك الخيرة اينما كانت
ركزي ماقلت بادعي ربي ان يرزقك باولاد ولكن دعوة ربي بالخيرة لك
صحيح ان الاولاد زينة الحياه كما بالقران ولكن كمان يكونو اعداء وذكرت بالكتاب الكريم
فوالله واقسم بالله اني اعرف اناس يدعو ربهم ويقولو ياليتنا عقماء من العقوق والمشاكل وانتي يااختي اكيد سمعتي من يذبح امه ومن يقتل ابيه ومن يطعنهم ومن منهم يعذبهم وماخفي اعظم
اكثري من الاستغفار ووالله ان هذه الحياة عبور والاخرة مقر وخلود الحياة فانيه الحياة مرة الحياة ليست كل شي احسني عملك وادعي ربك يعوضك الجنه التي عرضها السماوات والارض اااه اقسم بالله ان الحظيظ والفوز والسعاده بمن فاز بها هذا والله انها قمة السعادة وليست كل السعاده في الاطفال والحياة الباليه
اعتذر ع الاطاله ولااقول لكي ولا لمن شرف تعليقي ايأسو ولكن اقول (اعطي الدنيا حقها والاخرة حقها )
ولكن للتذكير انتي ربي مااعطاك اولاد تذكري يااختي العزيزه ان غيرك حرم العافيه وابتلي بالامراض ويتمنى من مافهو فيه الموت الموت الموت انا اشتغل في مستشفى واقسم بالله انواع المصائب وانواع البلاوي وانواع الامراض احمدي ربك ع اغلى مافي الحياة وهي العافيه تشربي وتاكلي وتذهبي وتعملي كل شي بتفسك وغيرك حرم هذه ياكل ويشرب ع ايدي الناس مايقدر لو يموت عطش مايقدر يشرب او يعمل لنفسه اي شي
شاكر لكم ومقدر لكم الاطالة
والله يكتب لي ولكم ولوالدينا ولجميع المسلمين العافيه في الدنيا الباليه والجنة بجانب حبيبنا ورسولنا محمد صلى الله عليه وسلم عدد ماذكره الذاكرون
وشكراً لكن

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>