فاقده سالمه

انا عمري اربعين سنه طيبه وحالي في شاني اناكونت صداقه مع وحده من بنات جماعتنا اصغر مني بخمس سنوات وقعدناصديقات 10سنوات وانا وفيه معاها ومخلصه واحبها اكثراو كنت ا حبها وكنت مستعده اسوي المستحيل عشانها وكنت اسوي كل شي عشانها وكنت اطلع للمستوصف الي بعيد عن بيتنا نص ساعه بس عشان اكلمها واسمع صوتهاوارضيها كنت اطلع الساعه 8الصباح وارجع 11اكون خلاص كلمتهاوسمعت صوتها المهم وكنت اطلع بعد صلاة الفجر مباشره واروح مشي بس عشان احجزلها موعد باالمشفى تغيرت البنت عليه وماسارت تردعلى اتصالاتي وادق على جوال امها وامها بس تصرفني مشغوله نايمه بعيده عن الصاله ماتقدرتكلمك وقعدت اتصل عليها4سنوات متواصله وامهاتصرفني ومره جيناعندهم زياره انا وامي واختي وماطلعت تجلس معايه وقعدت مقفله على نفسها الغرفه الين مارحنا بس المهم عندها انهاماتطلع لي حتى احناشكينا قولنا يمكنها مريضه فيهاشي عشان كدا ماطلعتلي حتى امي قالت يمكنها فيهاشي ولاسالمه انتي وهي صديقات كيف ماتطلع لك المهم بعدفتره سيروعليهم خالتي وبناتها ومرة خالي ووحده من جماعتنا وطلعت لهم وجلست معاهم وسولفت معاهم وانا سحبت عليه المهم معاد شفتها الى بعزا امها وكانت مجبوره تطلع عشان عزا امها ولى هي ماودها تطلع عشان انا في ومسكتها واقولها قولي لي ايش في انا في ايش زعلتك وماتقولي رافضه تقولي كانت تقول ماهو وقتو والله العظيم ماسويت لها شي وكنت احبها موووووووت واكثرمن اخواتي كمان واامنها اكثرمن اخواتي وانبسط معاها اكثرمن اخواتي ومن بعدها حياتي طفش وزهق وفراغ هي كانت ماليه عليه حياتي ومونستني انا الي قاهرني خالتي وبناتها قاعدين يتشمتون فيا انا ماطلعت لي وتطلع لهم بس هما واحسهم يسولفونها بكل مكان سالمه ماطلعت لها وطلعت لنا بس حنا الله يحرمهم الجنه حقين شماته وانا الحين الى الان شاريه سالمه وابغاها ترجع لي لاني فقدتها سالمه هل عندكم حل

20 Comments

علاقتكم غريبه متاكده عمرك ٤٠ سنه؟! انشغلي شوفي لك ناس وصداقات غيرها ربي ماخلق غيرسالمه؟! فيه مليون غيرها وبعدين عندك مشكله التعلق انتي بزياده لاتتعلقين باحد خلي علاقاتك متوسطه اشتاقي بحدود سولفي بحدود مو لدرجه ساعات باليوم. ليه ماتشتغلين او تكملين تعليمك بدل الفضاوه انا لو مكان سالمه اسحب عليك ترا الخنقه واللزقه تقتل وتطفش ابعدي شوي

سامحيها تتوب

والله مسامحتها ياقاصد بس هي ترجع

يلي خلق سالمه خلق غيرها
بعدين المحبه ذي غريبه ليش إلى الدرجة ذي؟؟؟؟
اسمحي لي هي محبه ولا بالي بالك
محبة الرحمن أفضل محبه أشغلي نفسك بالقرآن وشي مفيد
وطبقي قاعده
من جفاني جفيته ومن باعني ما شريته
ومن لايعدني فايده ما أحسبه رأس مال

غداً أجمل
العمري

    وقسم باالله اني كنت خايفه من كلمة بالي بالك وكنت متوقعتها ولكن يشهدالله اني كنت احبها حب نقي وصافي حتى كنت اقول لو ربي رزقني وجاتني بنت سميتهاسالمه بس هي سحبت وباعت كانت ايام جميله وحلوه مع سالمه كانت مغامرات بريئه وضحك وسوالف حتى السنترالات من كثر مكانا احنا على التلفون 24ساعه كانو السنترال يسمعون مكالماتنا احلى حاجه سارت لي كانت سالمه وهي سبب تعاستي الحين ترى العشره والمحبه يااخويا العمري ماتعرف كرامه

اتمنى ماتيأسين وتستمرين بالمحاوله اذا هي غاليه عليك
واكيد بتتواصل معك بينكم عشره وماتهون الا على ابن الحرام
اقري قصتي وادري مالها علاقه لاكن الشكوى للله
ذكرتيني بصديقتي حساويه على وجهها دلقه بخباله تنحب
كانت نشبه النشب وانا شخصيتي من الرياض مجامله للاخر وبرستيج واتيكيت الزعاطه هههههه
كانت تجي بيتنا وماتطلع الا خمس الفجر
والمكالمات خط بيتنا مو لنا لها اذا هي مو عندنا
وسوالف على الفاضي والمليان هههههه كانت ايام حلوه
وامي وابوي يرسلون لي اوراق
متى بتطلع اذا جت تبات عندي
واقطعي الخط نبي نكلم
واهلي يتضايقون من تكرار تواجدها
ويسالوني بنت الناس هذي ماوراها اهل يسألون عنها
وهي ياحياتي مستاذنه تنوم عندي لاكن انا مجامله اهلي وماقول لهم انها بتنام ولا اقولها ان اهلي متضايقين
طبعا اهلها متطمنين لنا وجيران اخواني مبزره مامنهم خوف وابوي مطوع وامي بعد
غير الهواش اللي اكلته من امي وابوي
ورى البيبان ماخلوني يضغطون علي
لييييين صرت ابعد عنها تخيلي
وصلنا لمرحله دولابي ودولاب ملابسها واحد
وندرس بنفس المدرسه
لاكن اهلي يعتبرون انها ضيفه
وهي معتبره نفسها بنت لنا واخت
وبلاخر بعدت عنها بسبب الضغط اللي جا علي
لا ارد على مكالماتها وانحاش من جمعه الجيران اروح بيت جدتي اخاف تلمحني لانها بتسالني ليه اختفيت وصعب اقول لها اهلي يهاوشوني بسبب التصاقك فيني
ومن فتره ست شهور شفتها بالصدفه بطريق لبيتنا وضميتها واصيييح وتصييييح وتركتها جا ابوي قال ادخلي البيت وسلمي على ابوك يافلانه وهي ياعمري مادري وش بخاطرها من كلام وانا بعد ودي اصلح موضوعي معها ومع اهلي لاكن مستحيل
والان بكمل سنتين تقريبا ماتواصلت معها الله يستر عليها ويوفقها ويسعدها لانها والله ماتستاهل وحده مثلي

    (والله سالمه غاليه وبنت غاليه وهذاهوانا مستمره بالمحاوله لياثمان سنوات الين ماخسرت كرامتي بس مافي فايده اصلا لمن اجيهم تندس في غرفتها وتقفل على نفسهابالمفتاح مافي فايده )اما انتي من جد ماتستاهلين وحده مثلها وهذاوجهي لوحصلتي مثلها وحرام عليهم اهلك ومالهم حق الواحد مايصدق احد يشتريه ويهتم في واهلي واهلك مافيهم خير اهلك مثل اهلي كانويتدخلون في كل شي الين ماخسرت سالمه ممكن تعطيني صديقتك ونعماالصديقه اسءلك باالله ارجعي لها والله ماتلقين مثلها مين يسوي مثلها انتي مرتاحه معاها ومقتنعه ارجع لها حرام عليكي ضلمتيها اهلك ضلموهاوانتي ظلمتيها ليش بنت الناس ايش سوت عشان تعاقبونها طلعي غلطه وحده سوتها حتى النوم كانت تنام عندكم دليل انها مستامنتكم على نفسها واهلها مستامنين انها عندكم ولى مكان خلوهاتنام عندكم اخرتها هذاجزءهم نصيحتي ارجعي لها هذي ماتتعوض ويااااارب يرزقك ببنوته قموره وحلوه وسميهاعليها انشهد انها تستاهل السميه

اعتذر لك والله
لكن حاولتي وهي مطنشه الشكوى لله
مصيرها تندم
بقلك قصه لي
تعرفت في أول ترم في الجامعه على صديق هو من نفس المدينه يلي انا منها وكنا نتقابل لكن كل واحد يدرس بثانوية
المهم تقابلنا بالجامعه بالرياض وكنا بالسكن الجامعي
وجات صحبه بينا أكثر من الاخوان سيارتي ناسخ له مفتاح
وهو بعد الفلوس يمر وانا نايم يفتح المحفظه ويأخذ يلي يبغاه وأنا بعد
قررنا نستاجر شقه وفعلا استاجرنا شقه وكنا ماسكين السكن بعد
المهم تعرف على بنت كان يكلمها لين الصبح وينام مايروح الجامعه
وجلست انصحه واحاول اصحيه ولكن مافي فايدة
وانحرم من دخول الامتحان بسبب البنت ذي

بصراحه حتى انا كنت اكلم بنات بس موللدرجه ذي

ويوم رديت عليها وسبيتها وقلت ضيعتي الرجال وعلمته وهو زعل مني فتره
المهم الرجال طرد من الجامعه بسببها
بعد طوى قيده كان جالس معي بالشقه وسجل عسكري بمعهد الدراسات الفنيه بالشرقيه والدراسه ثلاث سنوات
يعني لوظل بالجامعه احسن
بعد مرور سنة كنت ازوره بالشرقيه وفي المعهد مدري وشصار له يتهرب مني أمره بالايجازات البيت يقول اخوه ماهو موجود بالرغم من انه موجود
حتى أمه كلمتني تقول وشصار بينكم
المهم قابلته وحاولت اعرف السبب يقول ولاشيء بعدين اقلك
كملت الجامعه وتوظفت وأخذت الماستر والله من سنتين وتقابلنا صدفه في زواج
والله ماسلمت عليه مجرد مصافحه وكأني ما اعرفه
والحقني وقال شكلك ماعرفتني قلت له
ماعرفتك ولا ابغى اعرفك
عشرين مره اسأله عن السبب وماقال

تصدقون السبب خويته تقول اني ابغى اشبك معاها وطنش صاحبي
وعلمت خويي بعدين وهو معلم واحد اوصل الخبر لي

لابوه لابوها لابو قطوش

من جفاني جفيته ومن باعني ما شريته

غدا أجمل

والله شكله ميت عليها ياالعمري لكن هي الله لايسامحها و لايوفقها ظلمتكم كلكم هوظلمتو لانها ماكمل دراستو بسببها وانت ظلمتك لانها تقول انك تبغا تشبك معاها وفرقت بين اثنين فر ق الله شملها طيب في الاخير تزوجها اوكيف سوى

والله ما ادري
سحبت عليه إلى الأبد
ولا ناوي أسئل عنه

دام ماسويت غلط
يلي خلقه خلق غيره

غدا أجمل

يا حياتي على الاعترافات مشعلله
انا كمان باعتراف لكم عن الصداقة لي صديقة انا قطعة علاقتي فيها مرتين اول مره قدرت تجيبني وثاني مره حبكتها ولا قدرت فيني تأنيب ضمير بس هي حدتني على هالشي
هي انسانه ما قد ضرتني أبد ودايم تسال عني وكل عيد تعيد علي لكن فيها عيب أبداً ما قدرت أتحمله حاولت كثير أجامل بس ما قدرت هي شخصيتها تحب الحكي لدرجة تعرف جماعتي وأخبارهم اكثر مني لانها علاقاتها كثيرة بالمختصر تليفونها شغال وتحب تطول بالمكالمة يعني ممكن تقعد نص ساعة عادي عندها ومستمتعة بعد فيها مشكلة تحب تسال عن اخواني حسّيت انها تبي تتزوج وكمان عرفت أني تطلقت ويوم كانت يتصارحني رديت رد غير مباشرة هي فهمت أني للحين مع زوجي وان كلام الناس كذب بس بعد فترة قلت لها وتقولي اي حسّيت وتتكلم يعني انا تزوجت وهي واتزوجت يعني ما حبيت هالشخصية وما كان ودي اقطع العلاقة بس شخصيتها متعبة جداً اما صاحبتي بالجامعة تزوجت وسحبت علي عشاني مطلقة خافت من العين وتقولي امي تقول لي لا تكلمين وحدة مو متزوجة المهم قلت براحتك أتمنى لك التوفيق سوا كلمتيني او لا رغم بالآونة الاخيرة اكتشفت انها تكذب علي باشياء وكرهت هالطبع فيها رغم أني ماقصرت معها بكثير أشياء ولي وقفات قوية معها لكن جد ما تستاهلني وأعطتني درس بصنف النساء كانت صديقة مصلحة فعلا. مصلحة

    وشفيها المطلقة
    ماهي بشر وبعدين الطلاق لاهو حرام ولاعيب ولامرض معدي
    عقليات ياربي لك الحمد
    ماعليك ياصريحه من أحد
    عيشي حياتك وتذكري دائما
    أن

    غدا أجمل

حصل معاي صديق حبيته في الله ولله واخلصت في محبته وفي وصالي معه …مابغيت منه فلوس ولا اي حاجه غير صداقه ترضي رب العالمين… وقطعني بلاسبب وحتى ما رد على اتصالي مقصدي ابارك له بالعيد ومنها يرسل بين فتره لفتره اظنه تكلف.. سبحان الله يمكن اكثرت عليه بالاهتمام.ومسامحه ف الدنيا والاخره. والحين له معزه ولكن ما انا الي كنت مثل اول خفيت رسايلي عنه يمكن كان منزعج ومستحي يقول لي

لاحول ولاقوة الا بالله

الصداقه لهاحدود وكل شيئ له حدود في زمننا لم تعدالصداقات مثل اول لان زمننا جدا اناني يحب ذاته كثير اخواتك واخوانك علاقتهم انانيه وتطلبوا حب الاصدقاء ولهذا كل شيئ له حدود واتركي سالمه فتره وربماتحن وتعود اذا كان معدنها طيب واصيل واذا لم تعد فخيرة الله لك خير واشغلي نفسك بحياتك الخاصه ولاتعلقي قلبك بالبشر بل علقيه برب البشروسيغنيك عن جميع البشر

    والله تركتها بس مارجعت وبالعكس سارت تسوي حجات عشان تقهرني سارت تطلع لبنات خالتي وتجلس معاهم عشان بس تقهرني وتفرحهم وتشمتهم فيا يليتها بس تركتني وسحبت عليه لكن كمان حرقت اعصابي واعطتني اكبر اهانه في حياتي انها تطلع لبنات خالتي وتسحب عليه بس عشان تشمتهم فيا خلاص انت تركت صاحبك وخنتو لاتشمت الناس في

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>