فاقدة الحنان

انا متزوجه باخر العشرين عندي طفل و حامل ..
زوجي مغترب بيجي كل ٦ شهور بيقعد تقريبا شهر..
علاقتنا منيحة مع بعض و بنقدر نقول واصلين لمرحله السلام الداخلي !
بس .. من ناحيته هو لأنه انا بضغط ع حالي كتير و ما بحكي و بخاف احكي أو أناقش لأنه عصبي كتير و ع طول بطلعني غلطانة !!
هو ما بيضرب ولا بهيني ولا بسب علي بس لمجرد تتخيل نفسك بس امرك و حاضر و اللي بدك اياه بتوصل لمرحلة مش قادر تتنفس بنزلوا دموعك لحالهم .. و بالنهاية بتوصل لمرحلة انك مش طايقه ما بدك اياه ! ما بدك يلمسك أو يقرب عليك لأنك اصلا فاقد الحنية منه !
نفسك يقعد معك يقلك احكي.. فضفض.. طلع اللي جواتك!
و بس يسمعك ما يأنبك .. ما يصرخ و يعصب و يبرم بوزه !
و بالنهاية وصلت لمرحلة اني مش طايقةعلاقتنا و بقرف منها و لما لاحظ هالشي اول كلمة حكالي إياها ما بحوي مرة بتقرف مني !
طب اسألني شو اللي وصلني لهون ؟!!
حل المشكلة الرئيسية .. اسمعني بس مش طالبة منك اشي تاني !!

تركيزه كله ع اللي صار مش السبب !!
العطاء عنده فلوس .. شغل .. غربة .. مش فاهم اني بحاجة قربه مني .. أو حضن صغير يحسسني بالأمان .. حتى شعري ما بعرف كيف لمسته !!

و هلأ هو بده يطلق لأنه قال كل ما بتزكر الموقف بتنجرح رجولته!!

شو الحل برئيكم ؟؟
و خصوصي أنه انا كمان نوعا ما شو ما اختار مش فارقة معي لأنه اصلا بعيد عني يعني مش حيختلف شي عندي حتى الاولاد بس ييجي بصير ابعتله إياهم

بس اللي حاز في بالي أنه بيقدر يحل المشكلة الرئيسية و تنحل الأمور كلها بس هو ما بده ..

و عفوا طولت عليكم

3 Comments

من تجربه قريبه لتجربتك
اتعوذي من الشيطان لعيون ولادك كل شي يهون ومصير المغترب يستقر وكل بعيد ومستحيل يقرب ويتحقق بدها شويه صبر وصدقيني بمرة بتكونلك ذكريات لوني ايامك فيها بالفرح وانبسطي واستغلي بعدة عنك بتطوير حالك وولادك واذا حضر تقربي له واعملي حالك بيبي ونسيتي الزعل وانا مشاعر حمل وخربطه هرمونات لما حكيتله بقرف منك او او اي حكي يزعجه واقلبي حياتك فرح ولاتركزي على عواطف الشوق والوحدة لانها بتكسرك وهي مؤقته وركزي على عواطف الامومه عندك والفرح وانطلقي بحياتك ونوريها بسم الله الرحمن الرحيم وابعدي عن ابغض الحلال فهمتيني

دعواتك

أختي إذا ما تقدري تحكي معاه بصراحة وجه لوجه اكتبي له رساله اشرحي له فيها كل اللي في بالك وقولي له قبل ما تطلقني ياريت تقرأ هذي الرساله وبعد كذا اعمل اللي بدك .

بصراحه الحق عليكي من اول يوم وللان
انتي الي عودتيه على الحاضر واللامر
انتي الي عودتيه على سكوتك وصار واجب عليكي تسكتي بكل ضروفك
اول شي اعرفي انتي السبب وبعدين بلشي حليها
اول اشي حاولي الطلاق يكون اااخر حل
اقعدي معاه واحكي واشرحيلو نفس الي كتبتيه هون بدون ما يكون على وجهك اي تعبير حزن او ضعف
اعطيه حلول
انا بدي واحد احس معاه بالامان والحنيه
فهميه انه الفلوس بتساعد الها جزء كبير من الراحه والسعاده لكن ما بتكمل حياتنا

فهميه انك انخذلتي فيه كنتي مفكريتو الاخ والصديق والاب والزوج و …..

انك بدك تفديه بروحك بس شرط تحسي بالراحه

اسمعي اكسري واجبري مره احكي نقص فيه ومرة احكي اشي جيد لا تنكري كل اشي

وحلك لس بايدك
او بتقعدو قعده مع كبار ويحلولكو المشكله

واحكيلو كيف بدي اعطيك الحب والحنان وانا فاقديتو

الرجوله جزء منها انك ما تخليني ناقصني اشي ضمن مقدرتك
والله يهدي بالكو ويصلح بينكو

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>