غلطت بدي منكم نصيحة

السلام عليكم….
بدي منكم نصيحة صادقة وبدون تجريح بالله عليكم …
كل انسان بيغلط …وانا غلطت اكيد وندمانة وخطواتي متخبطة مش عارفة من وين أبش بتصليح نفسي …
انا بنت عمري ٢١ سنة في شب اجى تقدملي من وانا بالتانوية كنت صغيرة ١٧ سنة و١٨ سنة اجى تقدملي مرتين اهلي ما قبلو لاني كنت صغيرة ..
بعد فترة تكلمنا بما انو هو قريب منا وماكنت اتوقع اني أخوض معاه تجربة حب بس كان في اعجاب متبادل …
وبعد ما تعرفت عليه لقيته انسان جوهرة من الداخل وارتاحت اله نفسي بكل معنى الكلمة ….
للاسف ماكان قادر يجي يتقدم لانو بعد ما تقدملي واهلي رفضو انصرفت مصاريف الزواج ..
.اتفقنا على انو سنة بالظبط يرتب أموره ويتقدم…
بعد مدة بسيطة وتقابلنا أول مقابلة وتاني مقابلة أخدت عهد على نفسي ما اكون حليلة غير اله وهو قطع عهد يحفظني ويصوني لطول العمر و صارت بينا أمور ماكان لازم تصير ( يعني خلال مقابلاتنا دخلنا بالحرام ) امانة ماحد يدعي علية ولا يغلط علية كان باعتقداي انو هذا زوجي وحلالي من اللحظة الي اخدت عهد هيك صورتلي نفسي وماكنا عارفين انو بنعمل غلط كبير بحق حالنا وبحق ربنا …كل الي عملناه كان سبب جهل بالدين ومش عارفين شو بنعمل ….
مافينا حد ما بيغلط …ماكنا نتقابل على طول كانت كل شهر مرة ماكنا ماخدين الأمور باستهتار ….كلهن كم مرة بس الي تقابلنا …
هسا احنا خلاص المفروض مدة بسيطة ونكتب الكتاب بس صار كل ما بدنا نخطي خطوة يطلع بوجهنا حاجز مادي أو غير مادي وبرزقته خصوصا وكل مالنا لورا مش لقدام وكأنها تحذيرات من ربنا نراجع نفسنا….
انا وياه لاحظنا هذا الاشي وراجعنا حساباتنا وقلنا اكيد هو السبب انو عملنا غلط مع بعض والعهد الي أخدنا على حالنا باطل وطريق الحرام والخوف اتعبنا اتعبناااا كتيررررر…
الحين احنا مارح نتقابل ابدا ابدا وراح نتلزم قدام ربنا طالبين التوفيق اول اشي …
والصراحة احنا ما بندل طريق التوفيق…. أنا إنسانة مؤمنة وأخلاقي الحمد لله بخاف الله بس ما بعرف الطرق والأمور الي احنا نلتزم فيها حتى ربنا يغفرلنا ويوفقنا ..
بدي رأيكم بإلي عملتو ونصيحة ودعوة صادقة بالي احنا عملناه لانو والله متخبطة ومش عارفين شو نعمل …وربنا راح يغفرلنا ولا الذنب الي عملناه لا يغتفر خايفة كتير أضل طول عمري مش متوفقة وخايفة ربنا مايرزقني بطريق الحلال ومايصير عندي بيت وأسرة واولاد ..

رأي واحد على “غلطت بدي منكم نصيحة”

  1. يا اختي الله يغفر لك ..

    اذا تبتي وصدقتي بتوبتك الله بيقبلها بس تكوني صادقة من قلب وبإخلاص لله ..

    الشي الثاني أمور الزواج لازم تكون عن طريق الأهل ما يصلح تكون عشوائية بين البنت والولد لأن الشيطان حريص على توقيعكم بالحرام وبعدين تتطور الأمور وتسوء ،،
    لذلك التوبة أولا ثم إذا هو صادق يتقدم لأهلك يطلبك منهم ،
    ولا تثقين في وعود الرجال قبل العقد لأنها غالبا وعود شهوانية كاااااااذبة .. ولا يضبطهم إلا عقد النكاح الشرعي .

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>