زوجي كبير

السلام عليكم ممكن تنزلي مشكلتي احس اني بهم وماني عارفه اش اعمل عجزت في نفسي
انا انخطبت وعمري ٢٦ لشخص عمره٣٧ وماكنت مهتمه للعمر واشوفه شي عادي ملكنا وعادي مشى الوضع لمده سنه والحين تزوجت لي شهرين ومره ندمانه ندم عمري اتمنى الوقت يرجع وارفضه احس اني ارخصت نفسي لواحد كبير وكل الي تزوجو معي اخذو صغار وبعمرهم تعبت اندب حظي هو صح كويس وطيب وكريم بس احس في اشياء ماتعجبني جسمه عمره شكله احس الشيب بدا يطلع له حتى صوته زي الشيبان حاولت احبه من افعاله وخوفه علي بس عجزت اذا رحنا مكان اجلس اتلفت للمتزوجين الي ماخذه شبابي والي بعمرها والي لابسه وحركات وانا عكس حتى لو بلبسه شي مرتب جسمه مايساعد وكرشته قدامه ندمانه قد شعر راسي اتمنى الوقت يرجع وارفض واخذ واحد بعمري ونفس الشي الي اتمنى
كثير اقرا انو جاني الشخص المناسب والي ابغى ومرتاحه دايماً افكر طيب ليش انا بالذات ليش دايم حظي كدا ليش كل الي حولي حياتهم وازواجهم نفس مايبو وانا لا اش الحكمه اش السبب ليش مو هما الي صار لهم كدا ليش انا طيب ليش مو وحده من البنات الي تزوجو معي من قرايبي ليش انا تعبت افكر كذا حاولت احبه حاولت اخفي عيوبه عني بس عجزت كل تفكيري المظهر الخارجي والعمر والله انا الحمدلله مافيني شي ومرتبه ونظيفة وجسمي حلو .. مقهوره ع نفسي حتى صرت استحي امشي جنبه من كثر مااني مو حابته نفسي انبسط واعيش مبسوطه بحياتي معه بس مو قادره افكر بالسنين والخلفه ومتى نربي ونكبر وابوهم حيكون كبير سن والناس لما اقولها الفرق١١ سنه تنصدم جد متازمه ♥️
ماني قادره احس انه زوجي ومو متقبلته كزوج احسه كبير عني وبس مابيدي شي قاعده امشي بالدنيا وبالعه قهر لاني تمنيت وتمنيت ومالقيت مناي

8 Comments

انتي أنانية ومزاجية وناقصة عقل
فرق العشر سنين والاكثر ما يعتبر فرق كبير
لكن شوفي وش اللي تغير في مخك وقمتي تقارنين زوج فلانة وعلانة والا يمكن انتي تغير شكلك بعد الزواج وشفتي نفسك عليه

واضح ان عيونك تتمقل في كل شي وعلشان كذا ظلمتي زوجك بأفكارك السلبية

سبحان الله فيه بنات ابتلوا بأزواج من اعمارهن وكرهوا الزواج وسنينه وبعضهن كاتبات انهن يتمنون الاربعيني يتقدم ولا هالشباب الطايش مع احترامي للمحترمين منهم
وانتي حضرتك ما بينك وبينه الا عشر سنين وقمتي وخلقتي هالفرق الكبير ؟
ما هو مقصر معك وطيب وكريم وانتي اللي قبلتي فيه والحين تذمينه وتكرهين عيشتك معه
والله انك ما تستاهلينه
استغفري ربك واستغفري له وادعي له كود الله ما يعاقبك على اعتراضك على قدره
ولو انه قدر او نصيب متعب او سيء كان قلنا مسكينة مبتلاة لكن والله لا انتي مبتلاة ولا شي واحمدي ربك على النعمة
و تراك انتي اللي بتعجزين قبله ما عليك من الشيب اللي براسه

تخيلي نفسك تطلقتي وتزوجك واحد من عمرك
سفيه ومهمل وراعي مكالمات وبخيل وش بتقولين بعدها؟؟
يا ليتني ما تطلقت من ابو فلان .. ماعاد ينفع الأسف

اعوذ بالله
وشصاير بالدنيا

الرجل من 45و50وتحت شباب والي تزوجم حريم بعمرهم حطي في بالك اذا وصلت زوجته 35او40يبي يتزوج عليها لن الزوجه بها العمر تبي تتفرغ الأولدها…. ولرجل يبي احد يهتم بوه..وزوجك تقدرين ترتبينه وتسون لوه حمية ويخف وزنه
… وشكرٱ

الله يهديك والله دمعت عيوني ليش كذا تخربي حياتيك تقربي الى الله واحمدالله عليه وع زواجك مافيكم امراض والله حرام واحد يتزوح وتكون زوجة كذا انا زوجتي اصغر مني متعبتي كثير واصابر عليها وتقول كلام ماينقال والله خليت ينعاف كل شي بحياة وش ذنبة ماهو كبير ولا تكون عينك تشوف الناس وحياتهم تتعبي خاصة الرجال لاتناظري لهم ياما شكلة رجال برا بس وقت حياة زوجية عندة مشاكل

خبلة والله اعانك الله علي نفسك وتفكيرك

انتي في نعمة والله

وانا متاكدة ان كرشه مو كبير
صلي على النبي

بالعكس اللي في سنه محترم واحسن مليون مرة
هو مو طايش و لا يجري وراء بنات و لا بخيل

حطي زوجك بعيونك ي الغالية

الله يوفقكم ويسعدكم يا رب

لا تقارني حياتك بحياة غيرك

ابعدي عن المقارنات
ماراح يفيدك بشي

اذا انتي بذا السن وهذا عقلك تبي واحد بسنك بعد

ما راح ترتاحي معه …. اغلبهم يكذب او ما يتحمل مسؤولية

الله يصلح حالك

تستهبلين انتي 37 شايب منتي صاحيه انتي ….انتي عندك سبب اخر تبي تتخلصين منه وحطيتيها بالعمر يابنت الحلال 37شباب وصغير بعد الحين الي بعمر 73يتزوج وحده بعمرك وهو راعي المعروف عليها انتي ياحبيبتي بعد الاربعين باي باي اش شايفه نفسك.الرجال يضل بحيويته ونشاطه …

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>