حظي و نصيبي!

مشكلتي كبيره جدا بالنسبه لي وجعت
قلبي مره انا قبل 4 سنين ابثرت امي
وابوى واخوى نروح نخطب بنت عشان
وش احبها! لا عشان ماتنخطب وتروح
ومدرى مين قالى انها اذا راحت بيخلصون
البنات حجزتها لانها اخر وحده بالجماعه
مرت الايام والسنين وتغير تفكيرى وصرت
اشوف فرق الطول بينا مشكله طولي
167 وهي مدرى تقريبا 150 بس يقولون
قصيره صرت اقول هذا حظي انا رميت
نفسي بيدى اكيد مكتوب لي كلمت ابوى
وامي يقولون مستحيل تنزل راسنا بالارض
بتاخذها وطبعا شغالين سب فيني اسال
اخواتي يقولون حلوه المشكله اروح سوق
حديقه اشوف بنات طولهم حولي تجيني
ضيقه واقول انا وش خلاني انط لها انا
مواصفاتي يمين والبنت اللى حاجزها يسار
وش الحل افيدوني تكفون

One Comment

الحمدلله على العقل
اشوف هالايام كاثرة سالفة أنا احلا منها أنا اطول منها أنا افضل منها
مع انه هو اللي بلاها وهو اللي اخذها من بيت اهلها

يعني بالله انت الحين عاد نفسك طويل ؟
ترى غيرك طوله قريب المترين وزوجته نفس طول زوجتك
وعايش بهنا وسعادة
وش عاد 167

بعدين اللي يناظر بنات الناس ومواصفاتهم ترى ما راح يعيش براحة في حياته لأن المواصفات كثير ومتنوعة

وحتى لو تزوجت طويلة بتطلع فيها عيوب ثانية وبتقول ما فيها الصفة الفلانية
او نحيفة جدا
او مليانة وتتمنى نحيفة
او شعرها او عيونها او او

اقول
اترك عنك الاسواق والحدايق والتمقل في اشكال الحريم
واقنع باللي كتبه الله لك
وواضح انها محترمة وطيبة وسنعة وتعزّك
خاف الله فيها وخاف الله في والديك لا تنزل روسهم مثل ما قالوا لك

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>