تكفون نصحيتكم

انا والله مادري وش اقول لكن بدخل بالموضوع على طول انا خطبوني ناس يعني ماشاء الله لا اله الا الله وهم عايله معروفه واعلى منا بمليون مره طبعا كيف عرفوني هذا شي احتفظ فيه لنفسي لكن اني خايفه جداً بخصوص هالموضوع ولدهم اللي خطبوني له قد طلق 4 مرات وزياده على كذا اكبر مني ب 10 عشر سنوات و وقت الخطوبه ماحضر الا هو وامه و واحد من اخوانه بس وامه تبغى كل شيء بسرعه حتى انها تقول حتى فستان العرس والملابس اللي بتشتريها احنا نوفره لها مايحتاج تتاخر!!!!!! طبعا امي والعايله كلها ماصدقوا خبر وفرحانين وانا والله قلبي مو مرتاح ومادري وش اسوي ): تكفون ابغى نصحيتكم تكفون تكفون تكفون

12 Comments

الزيجه اللي تكون سرعه بسرعه ينخاف منها ، غير ذلك مطلوب من عائلتك التروي والسؤال عن سبب طلاقاته السابقة .
اذا أصر أهل الخاطب على سرعة إتمام الزواج فالرفض أسلم لك وبيرزقك الله .

بدي اعتبرك اختي الصغيرة لا تزعلي مني
مجنونه انتي؟؟؟؟؟
4 مرات مطلق انتي مستغنيه عن نفسك؟؟
اسألو عنو واسألو الي طلقهن
هاي حياة طويله وعشرة اذا ما كان عارف شو يعني حياة زوجيه ويقدرها كيف رح يستمر
معقول الاربعه غلط
شو ما كان السبب الي جابرك يا خيتي لا تتورطي
المال؟؟؟ والله ما بشتري سعاده ولا بسمة طفلك او جوزك وهناة بالك.
حتى لو كنتي مريضه او فيك حاله خاصة انتي بشر لا ترمي حالك هيك

اسألي قبل ما تندمي اسألي الاربعه مش 3 كلهم
والجيران والقرايب والمعارف
حياتك قرري انتي مش اهلك
استخيري

الله يبعد عنك كل شر

يا امي هذا مطلق اربع مرات معناها انه رجال مافيه خير المفروض انك ماتوافقين عليه لأنه بكره ماتنفعك الفلوس اللي معه وانتِ بنفسك تقولين انك مو مرتاحه له اتركيه والله بيعوضك اللي اخير منه !

كثير مثله يتزوج ويطلق لأتفه الأسباب لأنه من أسرة غنية ولايحترم عقد الزواج ولا الحياة الزوجية
وانتي من يتزوج والأمر راجع لك فانتبهي لنفسك
لو جاني ما أزوجه

ياختي الله يرضى عليك ، هذا زواج وعيشة عمر قدام ، ماهي يوم وليلة ، ونظام خبط لزق ماينفع ذاه ، خصوصاً انه مطلق ٤ مرات ، اسالوا عنه تمهلوا خذوا وقتكم ، استفسروا ، لاتستعجلين ، واسألي ليش مطلق ٤ مرات والاسباب ، بعدها وبعد معرفة كافية التفاصيل ، بيدون عندك القدرة انك تحكمين هل تستمرين او لا ..

موفقة ،،

اربعة مرات مطلق ، الله المستعان
الأفضل انك تصرفي نظر عنه هذا والله اعلم

انا لو مكانك ما اخذه وضعهم يخوف

اللي الله كاتبه بيصير
ايش تسوي
كلمي احد من اهلك الرجال العاقلين يجلس معه ويوزن عقله
وانتي اشرطي مايتم زواجك الا اذا عرفتي سبب طلاقاته وتواصلي مع زوجاته السابقات وممكن يردونك ويسكرون السماعة بوجهك لاكن خلك ذكيه وادخلي بأسألتك باسلوب مباشر ولاتدخلينهم بتفاصيل بأن تشرحين لهم ضروفك ووو
قولي مثلا السلام ابي اكلم فلانه واذا جت قولي اعرف انك فلانه واعرفك بنفسي فلانه وانا مخطوبه لشخص وابي نصيحتك بزواج واكيد من انتي منين عرفتيني قولي انتي لك تجربه سابقة وابي منك النصيحه بس واسمعي منها ثم قولي بصدقك القول انا تقدم لي زوجك ومو مرتاحة له اكيد بتسب معناها الخطاء منها اما اذا باركت اعرفي انه ماينبغى بقرش سلام

أنصحك بأن تستخيري مرات عديدة ثم بعدين إللي يرتاح له قلبك سويه وفيه الخير والصلاح ولن يخيب الله شخص لجئ إليه وستشارة.

عن نفسي أنا
تقدم لبيتنا شخص يخطب لأبنه وانا اعرف الاب طيب ولا عليه خلاف
لكن اتلف على نفسه بكثرة الاتصال والاستعجال رغم أن المدة فقط كم يوم مما اغضبنا جدا وخرب على نفسه بالرغم من أننا لم نتلقى أي اخبار سيئة عن ابنه
فما بالك بمن لا تعرفونه ومطلق اربع مرات ومستعجلين جدا
لو قلنا ان الطلاق ما له يد فيه وان الاربع غلطانات
وأنها توافيق ، طيب ليش مستعجلين وكأنهم ما يبغون يعطونكم فرصة تسألون

من رأيي اتركي العواطف جانبا
واتركي الموضوع وانسيه
إلا ان وصل لك يقينا أن الاربع كلهن كانوا على خطأ و هن السبب
وبعدها خلي اهلك يقولون لهم نعطيكم جواب بعد شهر او اسابيع

هذا زواج ماهو طلب وجبة على السريع

الله يوفقك

    انت من جدك بترمين نفسك بذي السرعه انتبهي المطلق بذات الي طلق مرات معناته الطلاق سهل عنده وممكن انتي تسيرين نفس الي طلقهم وطالما انه غني وكاش فما يهمه شي بيبيعك باي لحظه تمهلي وتروي واسالوا عنه اقلها شهر شهرين وعن اسباب الطلاق ممكن يكون خلق الرجل مو تمام ممكن يكون سكير بعيد الشر فلازم اهلك يسالون عنه بادق التفاصيل وانتي استخرتي ماارتحتي ممكن مو خير لك والفلوس طز فيها مابتشتري راحه البال

اكيد
في التأني السلامه وفي العجله الندامه اذا رجل مناسب وكاتبه ربي ليك فهو لك وين بيروح
لاتستعجلين لين تتاكدين انه الرجل المناسب لك لان كل رجل يناسبه زوجه بمواصفات معينه والعكس صحيح لازم تعرفين معلومات عن الرجل وطباعه واسلوبه بالحياة وتعامله تجاه الزوجه
الوضع المالي صحيح انه مطلب لكل زوجه لاكن الفلوس وحدها موب كل شي بالحياة …

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>