انور

ماعندي اصحاب.

اعترف اني احب التجمعات مع الناس بس دايما اعاني من مشكلة من صغري للحين خصوصا لو جماعة كبيرة جالس معها: اني اتكلم قليل جديدا واغلب الوقت اجلس ساكت ويسئلوني الشباب ” وش فيك كله ساكت؟ فلان حرفيا ماليه صوت .. سولف” ماعرف افتح مواضيع واذا سئلوني اجاول على قد السؤال والله دايما احس نفسي مزهرية .. مليت حرفيا من هذه المشكلة ولهالسبب ماعندي اصحاب… انا اقول بنفسي ياخي ترى هده السوالف موب جوي وماعندي اي فكرة عنها .. يعني امس حرفيا جلست مع شباب بمزرعة 95% اعرفهم ايام الدراسة بس انا دخلت معاهم الكلاس وقتها متاخر اخر دفعة.. وهم جالسين يسولفون عن ماضيهم وش سسوا وذكريات وكذا وانا احس نفسي مزهرية تخيلوا من الساعة 7 المغرب ل 2 الفجر اغلب وقتي جالس بس اسمع وماتكلمت وانا ماسمعت صوت نفسي الا قليل جدا …. فتحوا مواضيع واجد منها السفر والسيارات والزواج الخ وانا ماشاركت.. احس يقولوا في نفسهم وش فيه ذا ليش جابوه ؟ حسيت انه وجودي وعدمي واحد.

ياناس تعبت والله ودي اغير طريقة حياتي يكون عندي ديوانية واصحاب وسفرات مع الشباب.. مليت حياتي كله بيتوتي وجالس مقابل الشاشة لعب وانمي ومسلسلات وضياع وقت.

تكفى ياصاحب الحساب انشر الاعتراف والله تعبت.. احس كل ماتجيني تجمعات كذا ارجع البيت مقهور ليش ماسولفت واستمتعت بوقتك معاهم

احس المرات الجاية مايبوني لاني بكون زيادة عدد عندهم .. مش بس ذا القروب بحياتي كلها كذا ادا كنت مع جماعات الخ اكون بنفس ذا الوضع ويجيني نفس الاحساس دايما اعاتب نفسي لما ارجع البيت

الله انعم علينا بخمس نعم.. منها اللسان احس هذا اللسان مايتحرك نهائيا بيومياتي كاني مثل الاختم.. الختمان على الاقل يتواصلون بلغة اشارة مع بعض انا ماتكلم الا ادا عندي شي ضروري.

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>