انوار

اعترف اني اكبر وحده بالعيله امي مرأه طيبه وحنونه وابوي طيب وحنون لكن شوي بخيل و للاسف ابوي كلنا نعاني من انانيته يتعب ويسهر لاجل نفسه لمن يجمع له قرشين يروح ويسافر لف العالم لف وماخلى مكان ماراح له واحنا محرومين نروح عمره لبيت الله مانبي نسافر اخر الدنيا بس مستكثر علينا نشوف الكعبه ماعمري رحت العمره وامي اربعينيه ماعمرها حجت او اعتمرت كلنا نتمنى انا وامي وخواتي لو نعتمر ونشوف بيت الله مافي كل سنه يضحك علينا ويسكتنا وامي كانت ماتشتري الملابس الا من عيد لعيد من انا صغيره كنت اشفق ع امي وودي انها مو بهالحاله دايم امي حزينه وتعيسه وتعبانه وابوي بكامل اناقته وكشخته وراحته يعني باختصار عايش لنفسه بس انا كبرت وصار كل همي اعوض امي واسعدها شهريا اشتري لها الهدايا والملابس وتفرح فيها كثيير ومن كثر المواقف اللي شفتها صار كل همي بالدنيا الفلوس ابي فلوس وابي اجمع فلوس لجل اعيش امي واعوضها عن كل شي حالياً رفضت الزواج رفض باتاً لبعد اتخرج من الجامعه واتوظف عندي مخططات كثير وهدفها بس اني افرح امي واعيشها مرتاحه بدون منة احد عليها وبدون مايكون خاطرها بشي ماتلقاه،،، دعواتكم لي

اترك رد

4 ردود على "انوار"

نبّهني عن
avatar
فرز بواسطة:   الأحدث | الأقدم | الأكثر تصويتاً
ذاكرة
ضيف

يا الله ما اجمل روحك وما اطيب نفسك
يا كريم انك تسعدها وترزقها على نيتها وهدفها الجميل
ويقوي صحة امك ويخليها الكو

جلنار
ضيف

انتي واخوانك واخواتك فيكم الخير والبركة قويهم معاكي بتكون سعادتها اكبر ودخل مادي اقوى بدل مايكون راتبك لوحدة يكونو اخوانك واخواتك معك
واذا ربي ارسلك العريس المناسب صلي الاستخارة ويمكن يعينك ماتدري اهم شي تدعي بسجادتك والحي بالدعاء
والله عمي متزوج وحدة نفس حالك وهو اللي دخل عليها السعادة لان هدفها تبر بأمها فعمل لامها كنها امه يدور الاجر … اللع يرحم جداني ويغفر لهم .. من لما تزوج بنت الناس بنى لامها غرفه نوم وغير دينامكية سيارته بكرسي لحمل امّ زوجته غير انه شايل ترميم بيت اهل زوجته وموفر ممرضه مو كل الازواج أنانيين بعضهم معطاء وكريم لدرجة ماتتخيلين

ولاتنسي مهما كان هذا ابوكي وحتى لو بخيل ادعي له الله قادر على كل شيء ياما معجزات كونية تحصل قادر يحول ابوكم لانسان كريم ومراعي وكفوء

منال
ضيف

جزاك الله خير والله يهدينا لبر والدينا ولاتتردي بالزواج لان فيه رجال صالحين يعينوا نساءهم على بر والديهم وكرماء جدا والله يرزقك بالزوج الصالح اللي تتمنيه

فاعل خير
ضيف

السلام عليكم ورحمة الله وبركاته اختي الكريمه
اتواصلي معنا
وانشاء الله راح تعتمرون وتحجون بأذن الله
وشكرا،،،

‫wpDiscuz