انصحوني

اعترف اني ممكن اكون جميلة حسب كلام اللي حولي وما اشوف هالشي بنفسي. الله رزقني بزوج مدري كيف جاني وكيف طاح علي انا بنت قرية صغيرة حتى النت توة وصلهم ماله كم سنه ودراستي للمتوسطة ووقفت. طبعا التعارف كان بسبب بنات يعرفون اخته ويعرفون بنات يقربون لي السالفه طويلة.
المهم هذا الولد طيب وحبوب ودايم مبتسم ويضحك ويدلعني ومتعلق فيني وزواجنا صار له سنه وكم شهر وكأني عايشة بحلم والحمد لله.
المشكلة وليست مشكلة انه متعلم ماجستير وكان مبتعث محاضر في الجامعة ويبي يكمل دراسته كلامة وتصرفاته والاشياء اللي يحبها كلها اشياء غريبة علي ودايم يحاول يدخلني بجوة مثلا يسمع اغاني غربية ويضحك ويستانس وانا ما ادري اش السالفة حتى ما اعرف اتصنع واعمل حالي فاهمة او يشوف افلام غربية ومسلسلات حتى بدون ترجمه ويجيني ويجلسني جنبه ويجلس يسولف لي عن الفلم او المسلسل والقصة وانا مثل الهبلة وماتجذبني هذي الأمور. يقراء كتب ويجلس يتكلم عنها معاي وانا احاول اقراءها بس صعبه علي حتى كلامه احسه فوق مستواي واحيان استحي اتكلم معاه كثير معى انه ما قد نقد علي او حاول يصحح كلامي او حتى رسائلي اللي كلها أخطاء املائية. هو الحمد لله مهتم بصلاتة ومايحب الغيبة او نتكلم في احد وعودني على هالطبع الجميل ومن حالة في شانة مايتدخل في احد حتى طلعاته قليلة معى زملائه لكنك يحلق لحيته ويلبس ملابس جنز وبدلات يعني مو واضح انه ملتزم لكن ملتزم بدينه الحمدلله.

تكفون ساعدوني يبي ياخذني معاه للدراسة بعد كم سنه وابي اتقرب منه ابي يكون بيننا أشياء مشتركة ما ابيه يطفش مني خصوصا انه يحبي كثير ويعاملني معاملة طيبة بس احس انه بوادي وانا بوادي حتى هذا الاعتراف ارسلته لصاحبتي وعدلته وصححة الأخطاء وغيرت بعض الكلمات.

14 Comments

طيب كملي دراستك واقراي واتثقفي و شوية شوية راح تفهمي عليه وتعيشي جوه

كملي دراسة مافيها شي وبعدها ابدأي اقرأي كتب وتثقفي … اهم شي القراءه والكتابه اضبطيها وامورك الباقية تتيسر ان شاء الله

    دايم احاول اقراء لاكن صعبة علي بس احس بتحسن في القراءه لمحت له مره اني ابي كتب راح جاب لي مجموعه كبيرة ويحكيني عن كل كتاب وقصته

فيه بنات في المتوسط مثقفات ايش يمنع يعني تكوني مثلهم ماشوف مشكله لكن انصحك احتكي ببنات قرايبك الي عايشين بالبلد وعارفين اسلوب الحياة العصرية

    سكنت في المدينه معى زوجي وتعرفت على بنات كثير وتعلمت أشياء كثير والحمد لله كنت خايفة اول وكل شي جديد علي لكن تعودت. شكرا على النصيحة

اختي ماخذه الموقع بشوية حساسية وحرصك دليل حبك له ومن وجهة نظري انا شخصيا درست واخذت دورات بدول اوروبيه عديدة لكن لمن ابحث عن زوجة ارغب بانسانه اهم شيء تقرأ وتكتب وقبل هذا محافظة على صلاتها ومهتمه بلباسها ومتمه بالبيت من طبخ ونظافة هذا اهم شيء وحده بمستواي التعليمي مابيها وانا اعرف ازواج كثير كانوا متزوجين متعلمات وموظفات وطلقوهم وتزوجوا من بنات ماكملوا الثانوي وبعضهم يمكن المتوسط ماكملوه لانهم يبغون انسانه تهتم ببيتهم يبغون اكل نظيف لبس نظيف انسانه متفرغه له هو وحده فقط والتعليم بامكانك بكل سهوله تكملي ثانوي انتساب واستفيدي من خبرته بالانجليزيه خليه يعلمك شويه شويه صدقيني راح تتعلمي الانجليزيه بكل سهوله دامه زوجك معك بكل وقت ولا تفكري انك بتتعبيه لانه لمن يعملك دروس بسيطه بالانجلش سوف يثبت لغته عشان مانساها فسوف تكون بمثابة مراجعه له

وقبلها لاتهملوا القرآن الكريم حاولي تعملوا لو بالاسبوع مراجعة ولو لقصار السور

صدقيني لو زوجك يبي متعلمه ومثقفه ودارسه كان ماخطبك من الاول كان وجدهن وياكثرهن مو بلاقيات اللي يتزوجهن مع احترامي لهن

نحن الرجال يهمنا محافظة البنت على دينها وحيائها وشوية جمال وكذلك اهتمامها باكلنا وملابسنا وبيتنا واللي مالها بالنت وبرامج الجوالات هذي امنية كل زوج ثقي بكلامي

والله وانا اخوووك …
والله العظيم كان وضعي اصعب من وضعك …
انا كنت اعيش في قريه صغيره في مكان صعب العيش فيه وكنت متفووووق في الدراسه ولله الحمد ولا احد يستطيع منافستي في الدراسه عندما كنت ادرس في منطقه بعيده عن القريه اللي انا فيها لانه ما كان عندنا مدرسه …
المهم ماكان عندنا في القرية او الوادي اللي نعيش فيه ابسط مقومات الرفاهيه … ما كان عندنا كهربا ولا تلفونات والسيارات قليله في المنطقه اللي اعيش فيها …. كنت اذاكر الليل عل الفانووس وليالي الاعياد نشغل الاتريك واتمنى انك تعرفين مصطلحاتي … تخرجت من الثانويه ورحت الى المدينه لدراسة الجامعة وكنت لا اعرف شي عن حياة المدينه … صادفت طلاب الجامعه يلبسووون الجينز والبنطال وكل انواع الملابس ويضعون الجل عل شعورهم ويضعون الاطياب وانا ما اعرف هذي الاشياء … تطورت حياتي شيء فشيئا حتى تعلمت مثلهم والحمد لله .. بعدها سافرت اوروبا سياحه وسافرت امريكا وسافرت شرق اسيا وصكتني الحياة يمين ويسار والحمدلله انا اليوم كما اريد بفضل الله وتعلمت الكثير …
وكما يقول الشاعر …
مايصير بكل غزوة تربحي … يوم لك واليوم الاخر للزمان ….
تقعده دنياه كانه ماصحي …. من نسيه اهله يربيه الزمان ….
ختام(ن) آسف عل الاطاله وزبدة الكلام الدنيا خبرات تراكميه .. مع الايام راح تتعلمين الكثير …

    حتى انا لحقت على ايام الفانوس والاتريك والمواطير وان شاء الله تتحسن حياتي للأفضل تعليقك هون علي ربي يوفقك ويرزقك من واسع فضلة

السلام عليكم اختي خليك كذا
لانو هو مرتاح معك ممكن ما يحب البنت المثقفه يبي بنت على الفطره في اخلاقك وذوقك وتواضعك وطيبتك واصلي وكوني الزوجه المخلصه الحنونه ولا فيها اي مشكله لو طلعتي معه للخارج

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>