ام عبدالعزيز

زوجي لساته ولد الماما كلما ما صارت بينا مشكله راح يقول حق امه وابوه لقيته اكثر من مره يحش عني عند الماما اني مغربلته والعذر اقبح من الذنب اني اترك بنتي تبكي واشتغل فالبيت او ماعرف اطبخ معنه كلمن ياكل من اكلي يمدحه سواء امه او ابوه او اخواته يدور علي زله عشان يبي يتزوج علي واحنا تونا كملنا سنه غير اني اكتشفت اهله يكذبون في ابسط الامور مثلا ابوه يقول انه اشتري ساعه بالاف واخر شي اكتشفت انه مستعيره من صديقه وغير انه باني مسجد ومسجد ماله وجود وامه تقول لاتدعين الله يسخر لج زوجج خليه يتزوج بي اهم شي ادعي ماتطلع مجرمه وقوليله اذا بغيتني انا راضيه واذا مابغيتني باجر لي شقة اجلس فيها مع بنتي وبشتغل اصرف عليها مابخبر اهلي قسم يالله يودت الكلام ف قلبي ومرضت مابي افتن واخبر ريلي عنها مادزي شسوي كل ماتذكر رده فعلها لما سالتها مره بعفويه اذا زوج بنتها متزوج عليها .. وغير ذي مره قالت لي رويت ولدي صور بنات العايله مارضي ياخذج الا انتي مادري ليش وانا احب عيال بناتي لان ازواجهم عيال عمهم نفس الدم اما انتي غريبه.. خبرت زوجي يقول مستحيل امي تقول جي وغيره كم مره سمعتها تقول حط بالك ع الماجله لا تعطي شي حق اهلها والاكل اللي ماتاكل منه لا تاكله يمكن تحط فيه سحر هالقبيله يسحرون ظلمتني وكرهت زوجي فيني.. مره من مرات تهاوشنا لانه باع ذهبي عصب وكسر المنظره حقي ثاني يوم قعد يقيس عشان اييب منظره ثانيه قالت له لاتييب بتخليك تعصب مره ثانيه وبتكسره غير النغزات اللي تقطه علي كلما رحت بيتهم تعايرني عالمهر لاني خذيت مهر وتقول انا باقي احفادي بيتزوجون بلاش وحفيدي بياخذ بنتج بلاش واخر شي اكتشفت انها طالبت حق بناتها مهر بس زوجها مارضي بس يبي يزوجهم يفتك لان بنت عندهم عار رباقي البنتين بتزوجهم فالبحرين او برا عايلتهم عشان المهر ويدلعونهم لان هالقبيله مايحترمون المره هي والحيوان واحد غير اني متحمله سب زوجي ومايصرف علي ياناس حمره ماغندي ثيابي مشققين ييوم كلمته ع طول اتصل ع امه وكلمها بعدها كلمتني تقول انتي يالسه فالبيت عندج شي تسترين فيه جسمج وعندج لقمتج حمدي ربج اخر شي وهي تدلع بنااتها تلفون اخر موديل ومصروف ماشالله تقول مدري بكرا اذا تزوجوا شلون بيطلعون ازواجهم بدلعهم دامهم عندي وامس حصل موقف اني كنت في بيتهم يات وحده من صديقاتها عطتني نظره اني سىئه قالت لي انتي مرت فلان قلت لها اي حسيت حاشه فيني عندها دلووني بالله عليكم ابي حل.. فكرت اني اصارحها واقول لها باسلوب حلو انها تظلمني واحيانن اقول اخبر زوجي كلشي.. شسوي!!

One Comment

احشمي عمرس عن الكلام لايشوفون الا زين الخلق والخلقه
وارجعي لبدايات الامر انتي مرة لاتقصرين بزينس حتى لوتسلفينه من امه وخواته وجيرانس خلهم يعرفون ان رجلس بخيل ومامنس تقصير
وابدأي صفحه جديده تبدين من الصفر
سنع ودلع ببيتس لايلقى عليس منقود وان طلعتي لاهله توددي لهم انت خابره وش يحبونه من قول وفعل قدميه خليهم ينسون يلقون زيس ولاتندلقين معهم بالحتسي ولا بكثر المسايير خلهم يشتاقون لس ولفي على قريب اوان قالوا عنس ساحرة خذيها من الله
وان اعرس اردا له بخيل وجمع حريم ان تحملته فهي مثلس بالحاجه لاكن انتي تمكني بالحيله لان العشرة معس وانتي الاوله

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>