اماني

السلام عليكم ورحمه الله وبركاته ..
احبيت افضفض هنا واشوف وش رأيكم بالموضوع مع اني انا حاسمه الموضوع من زمان خلاص !!
انا مشكلتي مع اخويه من ابويه يكرهنا جداااااا مايحبنا ولا حتى يحترمنا ماعلينا عمره مااحترمنا عادي المشكله انا اخواني من امي كلهم صغار مايسوقوا سياره وواحد بس لكنه بتبوك يشتغل يجينا بس كم يوم ويسافر المهم هذاك لي اسبوعين ابغا المستشفى عندي مراجعه واكلم اخويه من ابويه كل مره يجيب لي عذر وهوكذاب واخر مره راسلته واتس قالي انا مالي شغل فيكم عاد ذي الجمله دخلت قلبي موبس انا حتى خواتي وامي ومن بعدها ماعمرنا كلمناهه بشي ابداً لهذا اليوم وسرت اكلم ابويه بس اذا نبغا محل يودينا او يجيب لنا غرض وطبعاً حكينا لابويه ان اخويه كذا وكذا وكلمناه انو اذا هو مسافر نطلب مع مندوب يجيب لنا طلباتنا وافق ابويه وصرنا اذا سافر ابويه نكلم المندوب احيانا يجيب لنا عشا واحياانا طلبات من السوق والبقاله وشحنات واخويه من ابويه مايدري بشي وبيوم طب اخويه ع المندوب جايب لنا عشا وجاب شحنه اختي واخذ الطلبيه وصارت سالفه كبيره بيننا وبينه ولما اجا ابويه اخذ الطلبيه من اخويه واعطى اختي حتى السيارة ماعاد نطلع معاه يروحون احيانا يتمشون مانروح معاه ومايتمنا لنا الخير ابداً واذا اجا يخاصمنا امي ترد عليه وتعطيه اللي يستحقه

4 Comments

طيب حلو هذا انتم تخلصتو من تصرفاته و نكده
عيشوا خذوا راحتكم انتن محترمات و امكن ع راسكن لا خلا و لا عدم
شوفن احتياجاتكن و تعلمن القياده بالمره

كانت العرب قديما تعتزي بأخواتها عند الشدائد والأخت تعتزي بأخوها كذالك لعلمها أنه حصنها الحصين بعد الله سبحانه وتعالى وهو من يعينها على نوائب الدهر وأكبر دليل حرب ذي قار التي كان مبدأها حمية لنساء العرب من سلب الفرس لهن.

احيانا يكون الموضوع غيره. انا كنت اعاني من نفسك مشكلتك من اخوي من امي وابوي.. لكن خلاص غسلت يدي منه ولا صرت افكر فيه او اعتمد عليه بشيء ابدددا هالشيء ريح بالي ولا صرت اتضايق اذا شفته يتهرب بس الصدق شيء يوجع القلب ان شقيقك اللي ما عندك غيره جالس يتهرب من البيت كله ولا كأننا أهله!!
انصحك تسوين زيي اعتبريه ضيف ولا تعتمدين عليه بشيء ابد ودام امك وابوك موجودين الله يعزهم ماله عليكم كلمه

اعوذ بالله من الاخوان الي كذا !
هذا لا يرحم ولا يخلي رحمة الله تنزل

والله مرات خواتي يطلبوني وارفض
بس يوجعني قلبي وارجع اوافق واسوي الي يبونه ههههههه

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>