المسيار

عندي مشكله ومحتاجه الراي السديد لها
حتى لو كان الكلام ضدي اتقبله
بس ياليت اللي يتكلم يحط نفسه بمكاني
انا وحيدة امي وابوي ربي ماكتب لهم عيال غيري انا
عمري الان 24سنه
موظفه ومرتاحه الحمدلله
وانخطبت اكثر من مره
وكلهم يرفضون شرط السكن في بيت اهلي
وانا مااقدر اتركهم خاصه ان امي فيها الخبيث الله يشفيها
وبنفس الوقت هي ودها تشوفني عروسه
والله اني مااخفيك بديت افكر بالمسيار لاتقولو مالك حقوق ومن هالكلام
الحمدلله وضعي المادي فوق الممتاز
لكن النفسيه تحت الصفر
ودي افرح امي وبنفس الوقت صعبه اتركها لوحدها
ملاحظه امي مو كبيره بالعمر وتقدر تقضي امورها بنفسها وهي مديرة مدرسه
لكن احيانآ لما تنزل المناعه تتعب وترتفع حرارتها
مدري وش اسوي ماودي انزل لمستوى المسيار
وبنفس الوقت امي تتمنى تشوفني عروس

16 Comments

استأجري جنب بيت اهلك بحيث تقدرين تتواجدين معهم باي وقت.. أو بما ان ماديتكم زينه ابني لك شقه في بيت اهلك أو رتبي الدور العلوي بحيث يكون لك ولزوجك مستقل .واطلبي منه يدفع كأنه مستأجر عندكم.. منها يحس انه جالس بحلاله ومنها مابعدتي عن اهلك ومعهم باي وقت انتي عندهم.. وارجوك لاتفكرين بهالمسيار ابد ماينفع لك توك صغيره وبيجيك ان شاء اللة الي يقدر وضعك ويوقف معك ويعينك ع بر اهلك

السلام عليكم من وين انت من أي مدينة ؟ واش مواصفاتك؟ وشكرا

حرام عليك
بكر
وأول زواج لك مسيار

لا تستعجلي
..
الله يكتب لك الخير
و يشفي أمك
و يحفظكم

ابعدي عن المسيار و مشاكله
ما فيه الا الهم

وان شاء الله تفرحي و امك تفرح بزواجك و بعيالك يا رب

عليك بالصبر والدعاء وحسن الظن بالله ولا تتركين برك بوالديك مهما بلغت الظروف وثقي تمام الثقة إن الله سوف يرزقك.

سالفة المسيار ما انصحك فيها لأن فيها هضم لبعض حقوق المرأة ولكن ممكن تطلبين من الزوج سكن مستقل ويكون قريب من سكن والديك وكذا تكونين كسبتي بر والديك وحققتي مطلبك وهو الزواج والله يوفقك ويسعدك .

مستعد أتزوجك على سنة الله ورسوله زواج شرعي و معلن

اصبري انتي صغيره
الله يحقق لك مبتغاك انتي و امك و يفرحها فيك و يطمن قلبها عليك و اكيد هذي امنيتها الحقيقيه انها تتطمن عليك

ادعي و اصبري لكن زواج المسيار حقيقي مو مستواك و لا اتوقع ترضاه لك

و زواج ماله اي فائده لك ماحتاخذي منه لا مال و لا عيال ماغير اشباع رغبات جنسيه

انتي انسانه لك رأي ولك حرية الإختيار التوفيق بيد الله سبحانه وتعالى لاتجعلين الناس اهي الي توجهك فرحي امك وكلي امورك كلها لله الناس ماخذة ان المسيار حرام وهو شرع الله سعادة امك فوق كل سعاده توكلي على الله ولاتترددين ولاتسمعين كلام الناس المحبطه

السلام عليكم
انا متزوج وعندي اولاد و بنات ولله الحمد اذا تقبلين بالتعدد انا مستعد اتزوجك و اسكن معك عند ابوك وأمك واعتبرهم أمي و أبوي وانا جاد اذا موافقه راسليني على الإيميل

انا والله جاد اتزوجك

الله يوفقك ويسعدك ويرزقك بر والديك
ماقصروا الاخوان سبقونا وبصراحه انا من وجهة نظري انك تتزوجي وتسكني قريب اهلك وبالعكس تحصلين كثير يقدرون ظروفك وهذا من البر المسيار ماانصحك فيه لسه ماشاء الله عليك صغيره في السن

واذا حاب تتواصلي معي اتشرف فيك

أنا مستعد أتقدم لك وموافق على شروطك والسكن عند اهلك أو بجوارهم إذا حبيتي
ويارب يشفي والدتك ويرفع عنها
وأفضل الدواء الصدقة

مستعد انا أتقدم لك وتكوني زوجه ع سنه الله ورسوله حسب شروطك ورغبتك

ياخيتي اشوف عرسانك كثرو نصيحه لك غيري منشورك انك موظفه ومرتاحه وحالتك المادية مرتاحه وبعدها راح تشوفين هذول نفسهم يقولون لك الله يكون بعونك شكلك غلبانه وعلى نياتك والناس ماترحم مراح يتقدمون لك لعيونك إلا لأجل الي وراك لو تبين تتزوجين لاتكتبين انك بنت نعمه فيه ناس مو لاقيه تأكل فما بالك يلقون وحده مرتاحه ماديا

يا كثر الكذابين
اللي يقولون لك بتزوجك
انتبهي منهم

ما صدقو ان البنت موظفة

رجال اخر زمن

سبحان الله
الرجال فيهم حنان على البنت الموظفة والمرتاحه ماديا
بالله ما تستحي انت وهو تعيشو على قفا حرمه

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>