العلاقة الزوجية

مرحبا
سؤالي كالتالي :
بينفع اي اتنين متزوجين يكملو مع بعض بدون ما يصير بينهم اي شكل من اشكال العلاقة الزوجية ؟ 
طيب هل بيستمر الحب بينهم ولا لا ؟
انا تزوجت من ٤ سنين وزوجي اول زواجنا ما كان يحبني كان يحكيلي انا مش مقتنع فيكي ورغم هيك كنت اصبر وكان طبيعي انو يهجرني بالاسابيع .. لعند قبل سنتين اصابو هداك المرض وانا وقفت جنبو وما تخليت عنو لاني بحبو هو انسان محترم جدا وما كان مقصر معي ابدا بس الامور العاطفية كانت معدومة بينا .. هلا بعد مرضو حس بقيمتي وبدا يحبني ووعدني انو يتغير ونبدا حياة جديدة .. لعند قبل ٣ شهور .. زوجي هاجرني وحكالي ما بدي اظلمك اذا حابة تتطلقي بطلقك بس انا مستحيل اطلق حياة اهلي لا فيها استقرار ولا خصوصية ومشاكل دايما .. حكيت معو مية مرة وهو بقلي انو مش بالقصد ببعد عني .. انا عارف انو المرض اثر عليه والهموم والمشاكل .. بس هو كتييير باعد عني وانا بطلبو وهو بيرفض وما بيعطيني اهتمام وبطلت احس حالي انثى وطبعا يقلب البيت مشاكل .. رجاء جاوبوني ع سؤالي
واذا بينفع كيف اقدر انا اتجاهل هاد الموضوع .. 

2 Comments

لكل طرف من الزوجين الأحقية في الإستمتاع بالآخر وهذا شي طبيعي في كلى الطرفين واذا كان معدوم عند أحدها فقد يسبب خلل كبير في الحياة الزوجية والإنحراف لا سمح الله.

وقد يكون الإنفصال الطريق الوحيد للحفاظ على الشخص من الإنحراف.

أكثري من الإستخارة والدعاء والله يكتب لك الخير والصلاح.

عمرها حياتك ما رح يكون فيه استقرار اذا استمرت هيك
القرار برجع الك اذا قادرة تعيشي معاه هيك على كل شروطه خليك واذا حابه ترجعي عند اهلك وعادي شو يعني في مشاكل يمكن يجيك نصيب ثاني
وفي حل ثاني يمكن صعب عليك. زوجيه وحده ثانيه ممكن يتغير كثير

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>