العايله

ما ادري شلون ابدا بالموضوع
انا طيبه وقلبي ابيض وربي احس اني انسانه زينه ومحترمه ولا راعيه مشاكل ولا عنيده ولا قليله ادب ولا شي . بس المشكله اهلي ما ادري شفيهم علي
اختي واخواني كلهم داخلين هندسه وتخصص علمي
اما مُدرسه وتخصص ادبي
فينظرون لي بدونيه واني غبيه ولا افهم
اذا جيت اسولف قالوا لي اسكتي انتي ادبي ما تفهمين
او اذا قلت شي ما ياخذون برأي ، وغير هذا امي عندنا تفرقه بالمعامله
يعني اختي اكبر مني بسنه هي هندسه وانا معلمه
تخلي اختي ترتاح وانا تخليني اكرف وينهد حيلي على اساس ان بس الهندسه الي يتعبون
ومع هذا اشتغل وعادي واذا طلبت منها شي ترفض تقول انتي ما تنفعين ما تستاهلين ، وتحب تقول لا على كل شي
واختي هذي راعيه مشاكل ولسانها طويل واذا اشتكيت لامي تقول طوفي طوفي
الى متى يعني وربي مو طالبه شي صعب بس ابي مساواه بالتعامل
اختي تعطيني بلوك من الشبكه واقول لامي تقول شدراج انها هي لا مو هي يمكن بالغلط ويوم سألت اختي قدامها قالت اي اناعطيتج بلوك عشان تشوف مسلسل ، وامي سكتت ولا قالت شي
تقعد اختي لي الساعه ٢ ونص بالليل تتابع مسلسل فوق راسي واقول لامي وتسكت
وانا اذا قعدت اشتغل شغل الجامعه لي الساعه ١ امي تزفني على اساس اختي تبي تنام
اختي تغسل صحنها بس بالمطبخ ، وانا اغسل صحون البيت كله
واذا نسيت صحن ولا شي تزعل امي وتعصب ولا ترضا تسمع لي وتصكر الباب وتقفله وانا اكلمها
ومع هذا صامده بس زهقت
ترا حتى انا اتعب وحتى انا ازعل وحتى انا اعصب واحاتي وادرس وابي انام وابي ارتاح
ما ادري شنو سويت عشان يصير لي كل هذا
كل يوم لازم تصير لي مشكله كل يووووم
وبعدين تروح امي عند خوالي وتمدح اختي وتقول عني انا الي مو زينه
٤ ايام برمضان صايمه وانظف البيت كلللله لحالي واختي تتسدح على اساس انها هندسه
واخر يومين برمضان اختي شالت الصينيه صارت السنعه وانا صرت الطوفه
واختي تسبني وتصارخ واذا رديت عليها امي تنسى كل شي ومنو الي بدأ وتركز على اني رديت على اختي
ولا اذا احتجت شي للجامعه امي تقول كلمي اخوانج يودونج ونسقي مع جدول اعمالهم وانا مالي دخل ، واخواني مالهم خلق واروح الجامعه وانا شغلي ناقص ورفيجات يجيبون لي شغل معاهم والله فشله ، عندي فلوس ومقتدره بس عشان خاطر اخواني مالهم خلق يضيع مستقبلي ، واذا قلت لامي تقول مشكلتج
وفي مشكال كثير وكثير ما اقدر اذكرها كلها
ابي حل مو قادره استحمل خلاص طفح الكيل
باقي لي سنه واتخرج ان شاء الله ، وامي تسولف ذاك اليوم عن اني اخذ قرض من معاشي عشانهم!!!!!
مخططين على معاشي وانا توني ما تخرجت
ردو علي بأي شي يبرد القلب

6 Comments

وانتي ليش مضعفة عمرك !! شفتي طاحوا فيك بعدين حتى لو امك وقفي بوجها اذا تعدت ع حقوقك هذا ما يعتبر عصيان وراتبك نصيحة لك انتي وبس بكرا بتندمين اذا صرفتيه ع غيرك

احتسبي لأجر وكلها ايام وتعدي وتصيرين احسن وحده في عين امك .

الا راتبك وقتها طلعي انيابك لو دخلتي بالقروض بتندمين و امك قدام ربي راتبك تعطيها منه حسب استطاعتك حقها اما الباقي مالهم حق بفلس

صبرا جميل وفرج الله قريب وأكثري من قول الله المستعان وكل ماتقدمي من خدمة احتسبي أجرك على الله

انا نفس وضعك
واردى بعد
اكرف عافيتي طول الشهر والساعتين اللي بطلعهم فيه برا تطلب مني مري الصيدليه وطلبي من محل العصير وخذي ودي للخياط وهاتي قهوه وكرتونين تمر ومكنسه للحوش وحب للحمام واشتري حق جلسه اخوانك تكايات واخوك فلان عريان جيبي له بجايم ساترة وخذي كلمي امي ماكلمتيها من زمان وراح اليوم اتنطط باماكن طلباتها ولاسويت شي لنفسي واذا رجعت اكون مصدعه وجسمي مكسر وتعب اكثر من كرف البيت تجيني تقول رجعي الباقي من الخمسين ابتسم لها واعطيها 50 واقول ماقدرت اصرفها غاليه علي ههههه ومايمدي افصخ عباتي الا مايبقى سب واهانات ودعاوي الا قالتها لي واني مافيني خير وبنت الشارع ام السوقه واني تاخرت لاني مواعدة عصابه مافيا ؟!!!!!!!!!!! الف خط ليه
كنت اسكت وادمع كل مرة على هالموال واحتسب الاجر لين تردى حظي يختي تدعي علي من قلبها محترة
من بعد ما زودتها شوي نطقت وصحت وريتها دموعي واني منهاره ورديت عليها قلت انا ماطلعت اتمشى وقلت ماطلعت الا خامه البيت كله وغاسلته والرحمه اللي من الله وينها وانتي امي معقوله ماحسيتي فيني وانا اتكلم واشرح لها يومي كله واني اتمنى كلمه شكرا او دعوة زينه او على الاقل لاتدعي علي بس مابي منها اي شي الا انها تكون بخير و تقولي اني ازرقيت وخافت علي اضن ارتفع ضغطي وطلعت من طوري والحمدالله رحمتني ومن يومها تعدني مثل باقي البيت وتدعي لي
انا ما اعصيك على امك
لاكن تكلمي
ترا مو بر ان والدينك يظلمونك وتسكتين وهم يحسبون انهم على حق
وكلنا نعرف البر ونطبقه

اذا تخرجتي وتعينتي ان شاء الله سوف تعرفين كيف انك بترتاحي بعملك

مع احترامي لكل التخصصات العلمية والهندسة وانا على فكره تخصصي علمي ومن اصعب التخصصات ولكن للاسف التخصصات العلميه بالعمل متعبه جدا وفي مجتمعاتنا او بالاصح بالعمل عندنا الراتب بالوظائف الحكوميه متساوي

يعني التخصص العلمي راتبه نفس التخصص الادبي

لم احس بالفارق بين التخصص العلمي والادبي الا لمن كنت بدورة ببريطانيا بالفعل الكل هناك يسال عن تخصصي واحس فيه احترام وبعضهم بقنعني اتوظف في بريطانيا براتب جدا عالي بعد ماخلص كورس الانجلش

بالنسبه للهندسة صدقني اغلب الوظائف حقتهم بتكون في شركات واغلب انظمة الشركات حسب معلوماتي لمن تفلس الشركة يحق لها تسرح اغلب موظفيها ناهيك عن العمل الشاق في الشركات يعني يحللون الراتب واعرف اشخاص بالشركات ندمانيين كل الندم انهم دخلوا هندسة ويعانون جدا من عناء الدوام

ياليت الناس تفهم الشي هذا

بالعكس التخصص الادبي مريح جدا وحتى بالعمل مافيه اي مشقة ودام الراتب هو نفسه وليش اتعب نفسي

صدقيني لو ترجع السنوات كان دخلت ادبي ولا قربت لشي اسمه علمي مع ان تقديري ممتاز

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>