الحمدلله

محد يقولي جميله الا لما احط مكياج بدون المكياج لقيت التهاويل من التعليقات الي تجي على شكلي وكأني مشهوه
والله تعبت نفسياً لذي الدرجه انا مافيا جمال
وانخطبت قريب وشافتني ام العريس طبعاً طلعت لها بمكياج لانو تعارف مو شوفه
ومدحت في شكلي لولدها
والولد الان ماخذ مقلب اني جميله
وبكره لا جا وطلعت له بطبيعتي بيمسك الباب ويشرد ؟
والله تحطمت ايش اسوي يعني
اسوي عملية تجميل وارتاح ؟
هذي خلقة ربي
ولا اسوي زي البنات الي يحطو مكياج كل يوم
عشان ما اسمع تعليقات ساخره
والله بدون كذب اكثر شي ملفت في وجهي خشمي المبير والسمار هذا الشي الي مو حلو فيا مع الاسف
يعني حتى الاشياء الثانيه ما تشفع لي

الله يستر معرف ايش يصير في الشوفه بعدين اطلع بدون مكياج ؟ وانرفض
ولا بمكياج ؟

اترك رد

6 ردود على "الحمدلله"

نبّهني عن
avatar
فرز بواسطة:   الأحدث | الأقدم | الأكثر تصويتاً
ذاكرة
ضيف

الله ييسر امورك يا رب
حطي مكياج خفيف يبين شكلك مع تحسين خفيف
احسن ما بعدين يصير يقول خدعتيني وتصيري مطلقه وكذابه ويبلشو يطلعو قصص
اذا عجبو اهلا وسهلا ما عجبو الله يجيبلك الاحسن منو

jewel92
عضو

صح كلامك
وعاد هوا وذوقه ان قبل فيا كان بها ان لأ الحمدلله قدر الله وما شاء فعل اجلس عزباء كذا

هُـ،
ضيف

احب اقولك انو ما تدرين ! يمكن يجيك وأحد ويشوفك اجمل النساء في عينه يمكن جمال روحك بالنسبه له غطت على جمالك ، بعدين انتي تشوفين كل البنات حلوات ؟ يا كثرهم اللي عاديين وازواجهم يشوفونهم جميلين جداً ، اذا ربي يحبك بيخلي كل الناس تحبك وترضى عنك لو ايش ما كنتي ، خليك متفائله دايم ، وانا عندي احساس انك ابد مو شينه بس وسوستي كثير ، كلنا جميلين دام روحنا جميله ❤️❤️❤️❤️

jewel92
عضو

الله يسعدك على كلامك الجميل
بس لانو صدق دائماً بدون مكياج ما ألاقي اي استحسان من الناس ودايماً يجرحوني بتعليقات جارحه وتعور قلبي
:(
فعشان كذا ما صارت عندي ثقه بجمالي وشكلي وخايفه كمان الرجال يرفض واتحطم فوق ما انا متحطمه :(

خواطر
ضيف

لنفسك مو لحد وفقط بترتاحين اذا سويتي عمليه تجميل لمنخارك وبيزيد ثقتك بروحك سويها اقرب وقت

المتاآبع
عضو

اولا / الحمدلله على خلقة رب العالمين
ثانياً / نسبة الجمال تختلف من شخص لآخر
والمكياج امره ضروري حالياً لكل ( فتاة )
ولا يوجد أي عيب لوضع المكياج يومياً
لكن بشكل مناسب ويظهر الملامح بشكل عام
وتختلف أيضا نظرة المرأة عن الرجل في تحديد مقياس
الجمال فقد تعجيينه ولا تعجبين غيره ( ماتدرين ) ؟
بعدين يعني كل هاللي نشوفهم ( المشهورين ) هل لديهم
جمال حقيقي بدون مكياج طبعاً لا … قليل من هم جمالهم
واضح بدون مكياج حتى الجميلة منهم تضع مكياج
خلاصة الأمر ان الزواج لا يعتمد دائماً على الجمال
الخارجي فقط … فتوكلي على الله دائماً وابداً
سواء اعجبه او لم يعجبه فكل شيء بقدر مكتوب عنده
ولا تعرفين متى يأتي النصيب ( وخلي ) ثقتك بنفسك
اكبر ولا تعطين لنفسك مجال في هذا الامر واكثر من اللازم

بالتوفيق لك …

‫wpDiscuz