اقرأوها مع قهوه

كلام بيني وبين نفسي
عمري 25
وسوق الزواج نايم

عدي اللي بين القوسين من كتابات لانها مجرد ترهات ضغوطات نفسيه …

((كلن لما يجي يخطبني سبحان الله قروب الشوفة الشرعية تزلق رجلهم لجيرانا باليوم الثاني نلاقي سياراتهم واقفه هناك وامي تتعب وهي تدور اي طريقه توصل لامهم اللي انسرق جوالها وضاعت الاسماء وبصدفه الحرامي مبلك ارقامنا فتنصاد بعزيمه وهنا امي تسأل امهم وش رايكم ببنتنا ليه ماتواصلتوا معنا ترد امهم انهم توهم يكتشفون ان عندهم بنت خالتهم من الرضاعه يبيها ولدهم وزوجوه بنت صديقه جدته امس وزين انكم ماوافقتوا لانه طلع مسحور وكليوم يطق زوجته هههههههههه استغفرالله واتفاجاء اني اعرفها بقروب طباخات رمضان واشوف حالتها بالوتساب زوجي جنتي هههههههه ))

….. اقراء من هنا …

ف مجرد فكرة جت ببالي اتعرف على 5 اشخاص واعطيهم مشاعر وهميه زي مايسوون بالبنات واكيد واحد منهم بيكون وفي والباقين بكنسلهم والوفي بيوصل للباب يخطب وكذا كذا انا فاضيه وانتظر الخاطب اللي ماتعرف عليه
بس اخاف من ربي كني احس اني يأست استغفرالله من رحمته الله لايواخذني بس وش اسوي عريسي ذا المغرز وينه

وساعات لما اتذكر انه مجهود اكلم كل واحد واتذكر اسمه ويمكن الخبط واتذكر لعانه الرجال وصعوبه التعامل معهم ومعليش قرف الفكرة لانه حرام ف اكنسل الموضوع برمته
واقرر اجمع علشان اعتمر ولا احج والدنيا دار عمل الحمدالله والرجل ان جاء ولا بلاخره ناخذ اللي تشتهيه انفسنا
يمكن ماختار زوج يمكن اختار 10 ههههههه لاحول ولاقوة الابالله
تبون قهوه مع بسبوسه اللوتس
عادي عادي سبوا قولوا انكم مافهمتوا شي واني داجه ماعاد تفرق اصلا هو باقي شي يهمني اصلا خلاص باينه محد جاد كلن يبي ام بلاش ولا يبي يبلشها بعيشتها
يعني اهلنا ربونا وتعبوا علينا دارسه ومصاريف ومراكض وواسطات علشان بلاخير يجي واحد يبحث عن شرط مو موجود بسيفي حياتي كلها ولا يبيني ببلاش

يالله عسى ما طولت عليكم

تامروني بشي

سلام

5 Comments

روحك مرحه ، اتوقع الي يتزوجك يتهنى …تحياتي لك

٢٥ بعز شبابك الله يبعدك عن الحرام ويرزقك بالزوج الصالح الي يناسبك .. لاتشغلين مخك بافكار غبيه توديك بستين داهيه اللعب هذا مثل اللعب بالنار يمكن تحبين واحد لعاب والباقين الصادقين ماتحبينهم وتتورطين او يجيبونك ويفصحونك عند الصادق الي بيطق باب بيتكم المهم انه لعب بالنار

اختي دوبك شباب ماشاء الله

لاتفكرين انكم انتم البنات اللي متضايقين كيف تتزوجون المناسب حتى نحن الشباب متضايقين كذلك نبحث عن الانسانه المناسبة وتعرفين الكذب والخداع والحسد والغيره متفشية بمجتمعاتنا

اقولك قصص واقعية حصلت واعرف اصحابها شخصيا وبدون مبالغة اعرف شخص على قدر من الاناقة وفيه مخافة لله
وطيب واصل وفصل ويشرف من يناسبه بشهادة اغلب اللي يعرفونه خطب وحده ولم يحصل نصيب واعرف السبب لان البنت ماتعرفه ولا شافت اصلا شكله و كذلك امها تقريبا وهناك العديد من المخربين رفضته وبعد فتره وحده من معارفهم تكلم احد خواته بتقول لو تخطبون مره ثانية متوقعه يوافقوا شلكهم تحسفوا طبعا هو رفض يخطبها مره ثانية

وتزوجت شخص لا منصب ولا شكل ولا سمعه لدرجة ان شخص من قرايب البنت لمن عرف بالسالفه تعجب ويقول لصديقنا عجائب اللحين انت يرفضوك ويزوجوا فلان ؟؟؟؟؟؟؟؟

المهم يااختي مشكلتلك حلها بسيط جدا نحن بمجتمعاتنا بامس الحاجة لخطابة تخاف الله صادقة وعندها امانه

وهي من توصل بين العوائل وتذكر مواصفات البنت وكذلك الشاب ومن يجد من تناسبة يخطبها

ولك كثير خطابات نصابات وطماعات وكذابات وناهيك عن بعض الرجال اللي يعمل حاله خطابة عشان ياخذ مال او مريض نفسي على باله انه انتصر لمن مثل على شخص انه خطابة

يختي الزواج مو كل شي صدقيني الزواج فيه سلبيات ومسؤليه ماهي سهله
هذا غير انه ممكن اللي ياخذك بعيد الشر مدمن مخدرات او مريض نفسي او امه وخواته يتحكموا بحياته وتصير حياتك جحيم بجيحم وقتها تتمنين ترجع العزوبيه
بيوم كنت ميته ع الزواج اكثر منك خصوصا ان اهلي منفصلين ومعها بالبيت زوجه ابوي ولما تزوجت تححححسفت على كل دقيقه كنت اتمنى فيها الزواج
نصيبك راح يجي بالوقت المناسب لاتخلي الموضوع ياخذ حيز من حياتك اكثر من اللازم

هههههههههههههههههههههههههههههههه يا اختي اسلوبك يضحك و يجنن يا بخت اللي بيتزوجك ما شاء الله تبارك الرحمن .. ما أعرف وش المفروض أقول لك بس انتبهي من فكرة العلاقة مع خمسة ثم تصفيتهم و تأكدي إن هالطريق كله شوك! و كل الخمسة اللي بتطيحين فيهم بيطلعون متزوجين و عندهم عيال :/

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>