استغفر الله

السلام عليكم
انا طالبة تمريض و عمري ٢٠ و ماما و بابا بينهم مشاكل لليل و حتى و هما مطلقين بابا م نسلم منو داىما يتهم ماما ب اشياء م سوتها و دا الشي ياتر عليها مرره و قبل كم سنة و مااما متغيره علينا مره ع طول تهزء و تصرخ لاقل الاسباب و داىما اكون متوترة م اعرف ايش اسوي و ايش اللي م اسوي عشان بس لا تعصب .الشي اللي مني فاهمتو انو هي ليش عصبيه لهدي الدرجة مع انو بابا ظالمنا كلنا و الكلام اللي قالو عليها ينقال علينا كمان ! ؟ و حرمنا من جدتي اللي هي امو حتى وقت توفت الله يرحمها منع ماما تحضر الدفن و احنا م روحنا عشان كدا لو مو ماما قالت لاخواني الاولاد م كان راحو .
الموضوع انو انا كان عندي عادة جدا سيىة و حاليا انا الحمدالله حطيت حد لها و قدرت امنع نفسي من الهوس اللي كنت ف ، و اجاهد نفسي كتير و قد م اقدر انو ارجع اصلي و م اتركها و ارضي ماما .
داىما مشغول بالي بالزواج و انو اتزوج اريح بسبب المشاكل دي بس ف النهاية ماف احد م عندو مشاكل و الشي اللي خفف علي انو داىما افتكر الناس اللي اقل من و اقول الحمد الله داىما و ابدا من جد الحمد الله ، لكن م زالت فكرت الزواج ف راسي و داك الزوج اللي يكون سبب ف سعاده ليا و سجلت ف موقع للزواج و كل يوم وقت ادخل الموقع اتمنى احصل رسالة من شخص ما !
بابا جلده بمعنى الكلمة و بالعافية يشتري لك شي مع انو ما شاء الله ماف شي يمنع حتى عماتي هو المسوؤل عنهم لكن مع دا مقصر !ماف بركه بسبب الكبر اللي هو ف ، و بسبب كدا ماما كانت ف بحث مستمر عن وظيفة و كملت التانوية مع اخويا الكبير قبل ٤ سنوات و توظفت محاسبة و الحمد الله ارتحت انا لكن دا الشي يتعبها كتير خاصه ان شغلها ٨ ساعات اغلب وقتها تكون واقفه ع رجلها .
اتمنى و ادعي ربي ان يرزقني برجل بار بامه و اكون كل شي بالنسبه لو و قبل دا يكون هو كل شي عندي استقر معاه .
كلها كم سنة ان شاء الله اتخرج و اتوظف و ماما تترك الوظيفة و اعيشها زي م تبا ف بيت اللي كانت تحلم ف من وقت و هي صغيره و الاثاث اللي تبا (طول فتره زواجها و انتقلت ف اكتر من بيت م قيد بابا اثث لها بيت كامل ) و اشتري لها و لااخواتي كل اللي يتمنو و ان شاء الله انو م اقصر عليهم لو بقطره مويا .

3 Comments

الله يسعدك انك بتساعدي امك
وجميل انك تحققي نجاحك لهدف نبيل
وامك معذوره انها حساسه حبتين
من اللي مر عليها بحياتها ان شاء الله اجر
واعذريها واتحمليها وقد ماتقدرون
اتخطوا المشاكل اللي بتيجي من ابوكم بتطنيشها
ولاتهتموا له نهائي فقط اعطوه حق الله فيه مو اكثر
وكلها كم سنه وان شاء الله تستغنوا عنه نهائي
ويكون حقه فقط البر مو التفرج على ابداعاته
في التلفظ السيء وجلب المشاكل
اما الزواج والتفكير فيه مو عيب ولاحرام
وهذي سنه الحياه
الله خلق كل شيء ٢
لاكن العيب انك تفتكري الزواج بينقذك
لاياروحي الزواج بيعقد حياتك شويه
يعني مو كل شي بيكون مثل ماتتخيلي
ايوا فيه شويه مطبات لاكن جميل مع العشره
بالعربي اللي ماعنده مشاكل ويتزوج يطلع له مشاكل
عالم ثاني الزواج فيه انسان بحياتك له حق يمنعك اليوم تروحي العمل لانه منفسن او تستغربي انشغاله عنك بالليل ماسك جواله او متاخر او حتى ممكن ترجعي تعبانه من الشغل يطلب منك طلبات تعجيزيه اذا رفضتي مره بيسامح لاكن مرتين ثلاثه بيقول مقصره بحقوقي وبيتزوج او بيدور يشتكي من هنا وهنا
ومشاكل اشكال الوان هذي اجملها

قصتك اثرت علي بعطيك قصتي واحكمي احنا تقريبا نفس حالتكم مع اضافة ابوي تزوج على امي حارم البيت من كل شي الا الايجار هو يدفعه مع الكهرباء عشان اكون منصف وبما انه مقيمين يتحكم بامي واخواني وكل يوم يقلها بسفرك واخذ عيالك تخيلي القهر الي هي فيه بهذي النقطه …(نقطة تحول) سبحان الله شاء القدر بعدها بسنتين ذقنا الويل منه. انه اخوي يترقى لاخصائي وانا اتوظف بوظيفة الى اليوم احمد ربي عليها براتب عالي وبتخصصي وبمجال ممتاز واخوي الثالث يمسك مشروع صرنا الثلاثة ذو دخل ممتاز وقدرنا نسوي كل شي كان يسويه الحكمة بالقصة (إِنَّ مَعَ الْعُسْرِ يُسْرًا)

الله يكون بعونك فكري بزواج الزوج إلى يهفمك وتفهمينه برجل صالح غير معقد /كيف القصص كثيره كيف التواصل

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>