استغفر الله

الوالد و الوالدة جوني و قالو ترانا لقينا لك بنت مهب من جماعتنا و مزيونة ، وفكرة الزواج ملازمتهم من يوم تخرجت ، فرحت وطرت من الفرحة اكثر يوم مدحتها الوالدة و قالت بياض ع حمار ما شاء الله ، رحت معاهم عشان يشوفني ابوها و يسٱل عن حالي بدون ما نخطب ولا نسوي الاجراءات ، بعد ما رجعنا البيت فرحت اكثر لان ابوها موافق و الوالد دعالهم وانبسط ، بس الوالدة شفت كنها كاتمه شيئ ، رحت لها فغرفتها و قلت يمه وش صار معك خبريني ، قالت ي ولدي البنت اختلفت عن الي شفتها اول مرة قبل اسبوع فزيارتي لها الاولى ،وقالت شكلها مكثره مكياج ، الوالدة قلبها طيب وما تبي تقطع رزقي و رزق البنت وتقلي شينه ، والله يخوان انسدت نفسي و كرهت ام الساعة الي فرحت فيها ، بالله يخوان هذا يرضي الله ؟! هذا تلاعب و غش ، حنا الرياجيل شينين كنا او مزيونين نجيكم ساده ، قلت للوالدة قوليلهم ان عمرها كبير عشان افتك ونبعد عن الاحراجات والمشاكل ، ودعتلهم الوالدة و دعيت لهم ، هم ناس طيبين ع كلام ابوي ، نصيحة للبنت اذا بيجوكم ناس بياخذوكم تعالو بهيئتكم حتى ما تسببون مشاكل فبيوت الناس

5 Comments

الله يكون بعونك عادي تحصل لاكن هل هيا قبيحه لدرجه دي لان المكياج مايغير كثير الا اذا كانت شايفتهاوالدتك بمناسبه كبيرة ممكن يكون مكياج مختصه
وان شاء الله تلاقي المرة الجيه اللي تسعدكم
جدتي تختار العرايس من المسجد للي بيدور عن جمال ودين واللي بيدور عن نشاط وجمال بتدور عليهم في الكليات والملاهي هنا مافي مجال لمكياج

وانا بسألكم
جه ليا شخص خاطب لجمال شعري وعارفين لون شعري كذا
وضحناه ليهم لاكن انا صابغته بلون كذا
ف ماعرف احس اني ممكن تنلغي الزواجه بسبب تافه
لان انتشر بعيلتهم ان لون شعري كذا والقهر الخاطب وامه ساكتين ماقالوا لاء هيا صابغه وانا استحي اتكلم والحق مين او مين

تعال اخطبني ووعد حتى الكحل ماحطه

الله يرزقك انشاء الله بالزوجه الصالحه واهم شي الاخلاق لان الجمال يروح مع الزمن

رايي ماتستعجل برفض البنت
تاكد من مستوي جمال البنت باي طريقه قبل تشوفها بالسؤال
طبعا باقي لك فرصه الشوفه الشرعيه وانت الي بتحدد مستوي ارتياحك ناحيتها بالسؤال
لاكن ربما ان نضرت امك تختلف عن نضرتك
انتبه مره ثانيه بخصوص في حالة خطبة بنت خل احد مع امك مثلا اختك يشوفون ويتشاورون علي البنت الي يبغونها لك ويتاكدون قبل يخبرونك عنها كذا بيكون افضل .

روح انت وشقّها بنفسك…….نظره الحريم للحريم غير

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>