ابو محمد سبق ارسلت

السلام عليكم
اخواني سبب طلب زوجتي للطلاق هو أني بروح للرياض وافتح مشروع وأبي انتقل للرياض وهي تبي الشرقية علشان أهلها
طيب شرحت سبب اختياري للرياض أن السوق كبير ويتحمل منافسين كثير رخص الإيجارات سهولة الإجراءات الحكومية وسرعة التنفيذ ونسبة فشل المشاريع ضعيفةبعد الله بعكس الجبيل ايجار المحل 100.000 والسكني 65000
وفهمها أن المصلحة الجميع في الرياض مو معقول اني ابدي مصلحة شخص واحد على الكل
طيب اروح لحالي برضو صعب لأن الي بكسبة من المشروع بيروح مصرف حق الي في الجبيل
وبعد تقول انت ماتروح لحالك لية أخف تتزوج علي قلت مجنون انا انتي ومطلعة عيني اروح أجيب وحدة ثانية تطلع روحي
وقلت الرسول الكريم قال لا يلدغ مسلم من جحر مرتين
قالت أو يمكن تغازل قلت انا في حياتي كلها مغازلة أحد بعدين انا ماعرف اصلن الأزل
والشي المهم بل أساس انا كرهتني بشي اسمه مره آسف اذا غلطة
بس بصراحة الي عندي مطلعة عيني من قلب طول اليوم من بيت أختها إلى أختها الثانية الى صديقتي واذا قعدات في البيت مع الوتس آب لين تنام لا حتى حقي مقصرة فية بقوة والله اني عزوبي بلقب متزوج أصلح قهوتي وغسل ملابسي وأصلح اكلي لحالي وصابر علشان عيالي وعلى فكره مو خوف منها أو اني دجاجة بل عكس ماينقصني من الشجاعة شي وانا على كل حال بعد شهرين بجي للرياض انا وعيالي واذا بتجي معي حياها الله وكذا أكون سويت الي علي والله يستر عليها

بس حب اقول ملاحظة
انا مرتاح أنها كل يوم تروح تسير على أهلها ينشر ح صدري والنفسية تزين اذا راحة واذا كانت موجودة أقسم بالله أحس جبل أحد على صدري وهموم الدنيا علي
ادري أنكم تقولون كلمة متناقض نعم هذا انا ديم أفكر في المصلحة العامة على الخاصة
يعلم الله انيكرها من أول يوم تزوجتها بس وش اسوي امي اختارت لي البنت وتقربلي بعدين جوني عيال هذي المشكلة أم عيالي وامي تحبة
اذا أحد عندة حل يقول

آسف على كثرت الكلام
بس حسيت اني ظلمته هي فيها أيجبيات مثل طيبه عند امي وامي تحبها خواتي يحبونها بس معي تعاندني في كل شي أقوله و غير مهتمه فيني أو العيال
وكذالك انا فيني سلبيات
عصبي بس عمري مرفعة يدي اوغلطة على حرمة أو على عيالي بس أصايح عليهم
هي تبي اوديها مطعم أو كورنيش والله ماتحمل اشوف المصخرة في لبس الناس انا متربي على النظام القديم الغلط غلط والصح صح زي مايقولون رجعي أو متخلف ( للأسف)

ملاحظة انا اليوم شريت هدية لها على اني أعطيها في العيد تكون هدة شوي ونشوف والله طلب امي ولا مابي

5 Comments

وعلى مسأله الغيره بترتاح في الرياض ان شاء الله فيه حدايق وشاليهات مستقله ورخيصه بالثمامه على كيف كيفك وكلهم مثلك غيورين وحتى الاسواق فيه للمنفتحين وفيه للغيورين
يعني الرياض ديره لكل الناس باقي نقطه وتصير مثل دبي هههههههه بس نصبر ونشوف بعد مايخلص القطار

والله ياالاجودي معندي مشكله بلي تقولة لاني بل أساس مو راعي استراحات أو أسواق انا من الشغل الى بيتي والجمعة والسبت بروح للشرقيه عند أهلي باختصار بجي أخذ الزين في الرياض واخلي الشين

تابعت الحاصل معك وامورك كلها بيد الله والحمدالله انها ابتلاء وخفيف
اولا تجارتك الله بيعوضك طول ما انت محسن وماكلت ولاظلمت احد وانت خبير بالسوق وتعرف توقف من جديد
ثانيا موضوع اهلك اذا المصلحه العامه لكل افراد اسرتك انك تلحق رزقك طبعا وبدون تفكير روحتك للرياض سعي والله بيساعدك
ثالثا المدام واضح انها بتلحقك وكلها شويه زعل وتشوف غلاها عندك وانت لاتقصر معها والله يجزاك خير بديت بالهديه واكيد لها مفعول السحر بذات مع زوجه مكافحه وتعرف ضروفك وانك متمسك فيها
رابعا تضايقك الدائم منها بعدم اهتمامها فيك الله يهديك انت السبب علمها الان بالرياض ان الاوضاع اختلفت وخليها تراعيك
وش الزواج غير موده ورحمه ومن حقها عليك تصبر عليها وتقومها لشيء اللي يسعدك لاتقول بتعبها وهي مافيها الا العافيه او بتتاخر علي خل اغسل او اكوي او اطبخ او بتجوعني اصبر واتحمل وخلك معها حبه حبه وبتشوف اللي يرضيك ولاتستحي من الطلب ماياكل حقكم يارجال الا سكوتكم وعدم معرفتكم كيف تطلبون مافيه شعبنا يا طخه ولاكسر مخه هههه
يعني شايفها نايمه وجمعه وتبي فطورك مثلا ضبط لك تصبيره بدون ماتخلي وراك اثر ثم رح لها وصحيها بهداوه وقل اشتقت افطر وياك يعني حركات هشك بشك

عندنا بالعايله بعض الخدع لنيل من المشاكل
١- نقول لابوي استمرض ويرفض الله يهديه بس احنى نقولها انه تعبان ههههههه وتمشي على امي تجي ركض الله يعضم اجرها ونلطف الجو شفت جتك تتطمن عليك
٢-احنى نستمرض اذا طلعت لبيت جدتي زعلانه وتجينا بسرعه الله يجزها خير لاكن وش نسوي
وعندي ابوي مثلك الله يطول بعمره وعمرك
يمكن لاننا بنتين واكبر من عيالك صاحين لهم ونصلح بينهم
ترى والله العيال هم الاباء على ابائهم هههه وبعد الله يحلون اكبر المشاكل بين اهلهم
احيانا بدون مايتكلم واذا شفنا الجوو متكهرب بين امي وابوي
نروح نشتري لهم هدايا ونكذب على ابوي انها هديه من امي واننا جبنالها هديه كنها منك علشان ماتزعل وتقول ماردها لي طلعها وتمشى معها عصفيري
وامي كذالك نقول من ابوي واننا جبناله هديه كنها منك وتمشي الامور
ودايما لما يبدون يزعلون من بعض بوجودنا نقول لانها تحبك ولا بابوي ماترضى تزعلها وسهلات
ادري غلط بس
خيره اكبر
ومابيدنا الا هالطريقه

توكل على الله وروح الرياض وشوف ردة الفعل . بعض الحريم كذا ومنهم حرمتي اذا ضبطت الامور مع اهلك تلغي دورك بحياتها واذا الامور حرب مع اهلك تضبط الامور معك عشان توقف بصفها انت ضد اهلك . واقول بعض النساء وليس الكل . وازن امورك واحبان خالف راي اهلك في امور بسيطه حتى تعرف هي ان قراراتك احيان غير متوافقه مع رضى اهلك والمفروض انها تنتبه ولا تحطك بجيبها وتضمنك لانك تابع لاهلك . فهمها انك غير احيان ولا تلتقي المصالح الشخصيه دايما وانك مو دايم صبور . والله يستر عليك ويوفقك ويجمعك وياها على خير عشان الاولاد ع الاقل .

ياخي دام في امثالك و امثالي المتخلفين على قولتهم والله ان الدنيا بخير هههههههههههه

والله انك صادق دايم تدور في بالي لكن ما توقعت اني في احد بيقولها ان احنا نعتبر متخلفين و رجعيين في معجم الوقت الحالي

لكن يمعنى الحديث في اخر الزمان القابض على دينه كالقابض على جمره

و ربي يوفقك و يفرج همك اهم شي الاولاد لا تحسسهم بنقص ولا تدخلهم بمشاكلك انت و امهم

هاذا اسوء ما واجهت في حياتي و صدقني بيترك عليهم اثر و والله مو بسيط

و ان شاء الله ان تتيسر امورك و ربي يهدي ام عيالك و ترجع تدلعك :)

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>