أصبحت كثيرة الصمت

أنا كنت هادئة لكن اجتماعية تحب الحياة بعد الجامعة تمت خطبتي على شاب يكبرني بعشر سنوات .. مرت الخطبة بخير لكن اليوم الثاني للزواج بدأت المشكلة اصبح يجرحني بالكلام حتى شهر العسل يمشي امامي بخطوات ويغضب اذا ما جاريته بالمشي مع العلم هو خطواته سريعه جدا .. رجعنا لبيتنا ما يحب نطلع سوى للعشاء حتى السوبر ماركت يقول اكتبي لي الأغراض وانا أجيبها أنا لست مهزوزة الشخصية لكن كنت أقول اكبر المساله عشان أغراض .. لا يرضى ننام بالغرفه سويا مع انه يأخذ كل حقوقه لكن يقول بعدها معليش عشان بنام .. ويتعذر بالدوام كنت أحسن الظن بكل شي اخرج حتى اذا كانوا أهله في زيارته كنت انام معهم بالصاله لانه ما يبي ازعاج ..كنّت ارفض وأتناقش معه وأحاول التودد له .. مرت سنتين أنجبت طفلي الاول وبدأ يتغير قلت في نفسي في أمل .. وكانت له خاله غير شقيقه من يوم زواجنا وانا مستغربه حالها ما رضت تسلم عليه قالي معليش لان أنا كنت معها بنفس المدينة فكنت مقرب لها حتى بتغار منك وتسوي حركات بس احقريها .. وفعلا رغم حركاتها الا انني أتجاهلها تماما ولا كنت ابين له شي .. بعد اربع سنوات زواج قال أنا عندي دورة عمل بالخارج أسبوع تعالي معي أخذت اجازه من العمل وذهبت معه .. عندما اجلس معه لا يتحدث معي على هاتفه وكل ما احاول افتح مجال للحديث يغلقه .. احاول اخلق جو مرح لكن هو ليس معي مع الهاتف .. شكيت فيه وفتشت جواله لأول مرة وجدته يتحدث مع خالته محادثه جريئة جدا وصلت للتحدث عن الأعضاء لكن حلف لي انه بس كلام وانه عمره ما سوى شي .. لم أستطيع التحمل طلبت الطلاق لكن رفض واعتذر ذهبت لمنزل اهلي .. حاول يصالحني كثير وانا بعد تفكير وحلفان انه ما يكلمها ويعطيها حظر .. رجعت له عشان طفلي كان كل تفكيري انه ما احد يعايره بابوه مستقبلا .. وبعد فترة اكتشفت انها تراسله وَاهو كان المفروض مسوي لها حظر .. زعلت لكن بلكها قدامي .. واهو يعاملني كويس صح ما يحب نطلع كثير لكن اصبح في شوي احترام .. مع أني أنا كسرت فيني أشياء كثير .. سنين من عمري كان المفروض تكون من اسعد السنين .. أنا اختلفت نظرتي له و قلت له قال أنا راضي بكل ما تحكمين الا الطلاق .. أنا لي سنه بعد العودة على حبوب المنع .. ما اتخيل يكون عندي عيال مرعوبة من الفكرة .. اشوف الناس تنظر لي نظرة المسكينه وكانهم يعرفون بمشكلتي .. صرت عصبية معه .. أصبحت لا ارى نفسي جميلة مع ان الناس العكس .. كثيرة الصمت .. تفرغت للعمل .. أصبحت مكتئبة وامي لاحظت ذلك وقالت لي اتركي الحبوب كله منها بتسبب لك مشاكل ومن هالكلام لكن اتركها أسبوع ويصير موقف يذكرني فألقى نفسي ماخذه كورس ثاني .. حتى اجتماعات أهله أصبحت أنفر منها مع ان خالته نادرا تأتي لكن غالبا ما يدار سياق الحديث لها .. لا احد يعرف بما حدث مع خالته سوى أمي وزوجي .. وتعذر لاهله انها سيئه التعامل معي لذلك لا أريدها .. مع انه تجيني لحظات ودي اصرخ .. لكن أقول في نفسي لا الله ستر عليها واحتسبي الأجر لكن جدا متعبه اكمل معه أو اتطلق الطلاق رافضه بشكل نهائي وانا مستحيل أقول لاهلي المشكلة عشان ولدي .. دعواتكم لي

6 Comments

يارب اكفينا شر الدنيا والاخرة

لاحول ولاقوة الا بالله

الله يعينك
ويساعدك
جربي
تعضينها علها تتعض وتخاف الله وممكن اذا وضحتي لها انك عارفه بمجريات الامر بينها وبين زوجك تتمادى فاتمنى يكون الوعض من جهه احدى الصالحات الطيبات

الله يكون بعونك صراحه مدري وش اقول لك
بس لو مكانك الله لا يحط احد فيه مارح اجيب عيال زياده وبصبر الين يكبر الولد ووقتها ما يكون فيه شيء يربطني فيه. شدي حيلك بنفسك وولدك ربيه مضبوط واشغلي وقتك عن زوجك اعتبريه سواق مو اكثر لين يكبر الولد ويفرجها ربك من عنده طالما ان بينكم احترام. الله يكون بعونك ويصبرك

حبوب المنع يختي تسبب هلوسات و امراض نفسية ، اسمع كثير دكاترة يتكلمون عنها ، و زوجك اقول الله يفرج همك الله يفرج همك و اصبري و انسي الي صار والله البيوت ما تعيش الا اذا تسامحو اهلها و نسو ، اعرف بيوت فيها وفيها من المشاكل بس الصبر الصبر و الدعوات بالهداية للجميع ، كل الناس تغلط و زوجك مو اول و لا اخر واحد والله يهديه

نصيحتي لك بما أن زوجك قالك بيعد عنها وهي تلاحقه اخذي رقمها واتصلي عليها وهدديها لو شفتي انها تراسل زوجك تنشرين خبرها وتبلغين اهلها وخليكي حازمه معاه حتى هو لان هذي محارم وادعي لها ان ربي يهديها ويصرفها عنك

على فكرة راح تخاف هي وحتى زوجك راح يبعد عنها لأن اساس العلاقه إلي بينهم خطأ ومحرمه

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>