أبو أحمد القصيم

يابنات الناس وش اللي صاير ؟
بنات الناس واجد وإذا دورنا عليهن مالقينا !!!
أنا أبحث عن زوجة ثانية من فترة ليست قصيرة …
ذبحتونا بالشروط .. اللي وصل عمرها 40 ومعها 4 عيال وتبي رجال ماتزوج !!!! سلاماااات ؟
واللي تبي لون بشرته أبيض حتى لو نص دين !!!!
واللي تبي يترك وظيفته ويروح معها للخارج علشان تكمل دراستها !!!!
هالزمن هذا لو لقيني من ترضين الدين والخلق .. تزوجيه ..
واللي تكتب أحب السفر !!! فيه أحد مايحب يسافر ؟ كلنا ودنا نسافر متى ماجت الفرصة وفيه ميزانية تساعد ..
بس وين بنت الحلال ؟
أنا لي فترة ليست بالقصيرة وأنا أبحث عن بنت وكلمت أكثر من 3 خطابات وسجلت بأكثر من موقع لعلي ألقى وحدة !! مالقيت ؟

8 Comments

ياابو احمد المشكله ماهي فينا احنا البنات المشكله في الاباء احيانا الواحد مايبغا الى من قبيلتو انا بنت عمري 40 ولى شفت الزواج بعيني بسبب ابويا مايبغا الى من قبيلتناوزياده عندي اصابه برجلي اليمنى قصرطرف وكماااان يتشرط ابويا ومعاند وقبيلتنا انا مابغاهم مالي رغبه فيهم ابغا من بره ومالي شروط الى انه مايكون من نفس قبيلتنا اكرهم ياابو احمد كره مايعلم فيه الى الله وابويا ميت عليهم ومايرضى فيهم ومااكل مقلب فيهم ومضيعنا عشانهم واختي عمرها 34 ماتزوجت عشان ابويا قاعد يستنى واحد من جماعتنا يخطبها المشكله ماخطبها وابويا قاعد يضيع اختي زي ماضيعني وعندنا اخوات ثانيات وحده عمرها 23والثانيه 28وتزوجو لانهم من قبيلتنا واحنا راحت اعمارنا صح في بنات يتشرطون بس في بنات مايتشرطون بس يبغون رجال يستروهم بس اباءهم الدقه القديمه اهل الجاهليه هما الي يرفضو الواحد عنده بنت تعنس وتعفن ولاتتزوج من بره القبيله حسبنا الله عليهم مخالفين للشرع والقانون ماالوم البنات الى اباءهم حارمينهم الزواج لمن يسوون علاقات مع الرجال علاقات غير شرعيه كلها بسبب الشيوبه الضالمين مهما كان الانسان احسايس ومشاعر والكبت مو زين واللهيرزقك ياابو احمد ببنت الحلال الي تسعدك وتسعدها ولو تبغا انا اعرف بنت تبغا الزواج يتيمة الابوين واخوانها تزوجو واختها تزوجت لو تبغاها اكلمها وعساها توافق

مشكلة بعض الخطابات والمواقع يحصل تدليس وعدم إخبار بالحقائق وهذه كفيلة ربما بفشل الزواج….لأسباب كثيرة منها :اختلاف البيئة أو المكانة الاجتماعية أو الوضع المادي…..إلخ……لذلك الزواج التقليدي ومن معارفك مع عيوبه أرى أنه أفضل من الخطابات مجرد رأي ووجهة نظر عندي.

والله يابو احمد اني مثلك
ولا بعد الاهل محد يساعد فيهم محد يبيك اتتزوج
وفوق كل هذا قليل اللي يوافقون على النظرة الشرعيه
يعني لاحد جاي معاي يشوف البنت ولا انا اقدر اشوفها هذا اذا لقيت وحدة تقبل متزوج
وش قيها حرمتك !!! الله يصبرني

عمرها ٤٠ ومعها ٤ وتبي واخد ماتزوج هذي اهدافها قويه
ناويه تجلط ابو عيالها هههههههههههههههههههههههه
الناس يا الطيب ادرى بانفسهم احتمال ماتتحمل الضره
ولاماتقدر تقعد بدون رجال يوم واحد والمتزوج وقته مقسوم
يعني كنها متزوجه نص رجال
اما اللي تبي ابيض لو نص دين
هذي المسلسلات التركيه موشوشه بمخها
معليش بتصحى من الحلم
لما توصل عمر كبير ومحد تزوجها
اما اللي يترك وظيفته ويسافر معها للخارج هذي طلبها واضح تبي متفرغ او تاجر ولا على وجه تقاعد ذي زينه ماتنعاب بالعكس
سياحه لك وزواج وشهر عسل كلها بخلاط وتكون هي تدرس تنشغل عنك شوي تظبط امور البيت الاول وجبهم عيالك يدرسون معك بالخارج
اما اللي تكتب يحب السفر الله لايلومهن بعض هالرجاجيل يعرس ويقعد في ديون طول عمره وحدها الطايف ولا ابها هذا في احسن الضروف مع ان قرود الطايف يوسعون الصدر ههههههههه وصادقه تبي الرجال قبل لايجي يملك عليها يجيب تذاكر السفر اهم من المهر يعني يحسب حسابه مهر وتذاكر اقل شي اسبوع في حدا هالدول ويامحلا الرخص بمكاتب السفر والسياحه وياكثرها ترا مهي صعبه بس انت توكل وبتلقى على قد ميزانيتك
ومن ناحيه البنات ياكثرهم ااكن لو جيتني طلبت مني انا الان اعرف ٢ لاكن خوفي من الله في ام عيالك يمنعني اتساعد معك احس اني بدمر اسره متماسكه واخاف الله يوريني بنفسي وماضمن البنات يكونون طيبات مع ام عيالك يمكن يضرونها ولا هي تضرهم بحركات انت تعرفها وبعض الرجال الزوجه الاولى اذا درت انه معرس تطلب الطلاق وش استفيد انا من تضييع ام عيالك وعيالك غير الدعاء والمصايب
والخسران اول واخر انت
اشور عليك
هالدريهمات اللي بتدفعها على زوجه ثانيه رح بها لمكتب سياحي خذ ام عيالك لمايزيا ديره رخيصه وشعب طيب ولايخالفون على عبايتنا ويصادقون اي احد يجيهم وجوو زين والله يسهل امورك ويكتب لك الخير

ياغنى الرجال ناوي يتزوج خلاص الله يرزقه والزواج حلال موحرام وانتي تقولين خوفي من الله يمنعني اساعدك انتي ماانتي قاعده تسوي مصيبه او شي غلط عشان ربي يحاسبك انتي قاعده تجمعين راسين بالحلال والشرع حلل اربع وعندنا جار متزوج اربع حريم وظروفه صعبه جدا ويقول لو الشرع محلل خمس كان تزوجت الخامسه وواحد متزوج اربع حريم بس غبي اتزوج الخامسه والسادسه وهنا حرام بس هو مايفهم وبالنسبه لزوجته هي ايش بيعرفها انك انتي الي دليتي زوجها على بنت الحلال يكون عهد بينك وبين ابو احمد انه مايقولها انك انتي دليتي ياغني مافيها شي لو دليتيه على بنت الحلال البنات كثرو وكلهم يبون الستر وتكسبي اجر فكرتي في زعل ام احمد مافكرتي تجمعين راسين بالحلال وتكسبي اجر وتخففي من العنوسه ولكي اجرفيها وماهي اول او اخر وحده زوجها يتزوج وعلى ايش تدمرين اسره باسلام ولاتدمير ولى شي هدا شرع الله وما خل البنات يعنسون ويكثرون غير الافكار هادي الي برؤؤسكم الله يرزقك ياابو احمد

السلام عليكم ورحمة الله وبركاته
صادق يا ابو احمد يا كثر البنات المعنسات اذا جيت تتقدم رفضو
ابو احمد مبين من اسمك انك متزوج بس وينك عن اللي وصل عمره 40 ولا تزوج و سبب نه مقعد سبب حادث سياره
يا تتزوج اجنبيه ولا ياكل تبن او توافق وحده عليه وتعفط ظهره بشروط الل مستعان بس

المتزوج بكل حالاته في نظر المجتمع البناتي اقرع ونزهي
لحد يزعل هذا الواقع المر اللي ماتعرفوه
وياخي خلاص انتم متزوجين اذكروا العشره وضبطوا حريمكم
مو تهربون لوحده مالها ذنب الا انها معنسه تتزوجوا على زوجاتكم كنوع من التاديب ولما تتادب او تثقل عليكم المصاريف
طلقتوها لا بعد مايبوا يسفروها شايفينه كثير على المعنسه اللي متفضلين عليها

عنس يعز ولا زواجه تذل

مين بغى الزواج لقاه مو لازم عن طريق خطابة ومعرفة اهلك مادامهم رافضينن شوف اخوياك بالعمل وجيرانك لاتختلق اعذار

أضف رد

لن يتم نشر عنوان بريدك الإلكتروني.

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>